بھٹکل: حنیف آباد آنگن واڑی مرکز میں منعقد ہوابچوں اور حاملہ خواتین کے لئے توانائی سے بھرپورغذا کی ضرورت پر خصوصی پروگرام
بھٹکل 11/ستمبر (ایس او نیوز) بھٹکل ہیبلے گرام پنچایت کے حدود میں واقع حنیف آباد علاقے میں چھوٹے بچوں اورحاملہ خواتین کے لئے توانائی سے بھرپور غذا کی ضرورت پر خصوصی پروگرام منعقد کیاگیا۔
حنیف آباد آنگن واڈی مرکز میں 9/ستمبر کو منعقدہ اجلاس میں عوام کی توجہ اس مسئلے پر مبذول کرنے کے لئے ہفتہ بھر مہم چلانے کا اعلان کیا گیا۔اس اجلاس سے خطاب کرتے ہوئے گرام پنچایت کے صدر این ڈی موگیر نے بچوں کے لئے مقوی غذائیں فراہم کرنے اور کم عمر بچوں کو موبائل فون سے دور کرنے کا مشورہ دیا۔محکمہ بہبودیئ اطفال منصوبے کی آفیسر سُشیلا نے اپنے محکمے کی جانب سے دستیاب بھاگیہ لکشمی، ماتر پورنا، ماتر وندنا اور ماتر شری جیسی سرکاری اسکیموں کے تعلق سے تفصیلات حاضرین کے سامنے رکھیں۔اور بچوں کے ساتھ ساتھ ماں کے لئے بھی توانائی سے بھرپور غذا کی اہمیت پر روشنی ڈالی۔
اس موقع پر گرام پنچایت صدر کے علاوہ اراکین،شیرالی زون کے سپرنٹنڈنٹ، اردو اسکول کے ہیڈماسٹر، سینئر لیڈی ہیلتھ ورکر، آشا وکارکنان، آنگن واڈی کارکنان،بہبودیئ اطفال کمیٹی کے صدر حاملہ خواتین اور بچوں کی مائیں کثیر تعداد میں موجود تھیں۔
