منگلورو سے کویت کو اڑان بھرنے والی ہوائی جہاز کے اوقات میں ترمیم سے این آر ائیز ناراض : سہولیات فراہم کرنےکا مطالبہ
منگلورو : 2؍اکتوبر(ایس اؤ نیوز)منگلوروبین الاقوامی ہوائی اڈے سےکویت کےلئے اڑان بھرنےوالی ائیر انڈیا ہوائی جہاز کے اوقات میں نومبر سے ترمیم کی گئی ہے۔ کویت میں مقیم ساحلی پٹی کے این آر ائیز نے الزام لگایا ہے کہ تبدیلی اوقات میں کوئی آسانی فراہم نہیں کی گئی ہے۔
منگلورو۔ کویت کے ہوائی جہاز والے اوقات کووڈ-19سے قبل بالکل مناسب تھے اب اچانک اس میں تبدیلی کی گئی ہے، کویت سے منگلورو کو نکلنے والی جمعرات کی ہوائی جہاز سے بہت ساری آسانی تھی، کیونکہ کویت میں جمعہ اور سنیچر کو چھٹی رہنے سے ساحلی پٹی کےلوگوں کو منگلورو آنے اور جانےکےلئے سہولت تھی ، اگر اتوار کو چھٹی نہیں ملتی تو وقت پر ڈیو ٹی کی حاضری ہوتی ۔ اب جو اوقات میں ترمیم کی گئی ہے ہوائی جہاز کا سفر رات کے بجائے دن میں کیاگیا ہے، جس کےنتیجےمیں کویت سے نکلنے والوں کو ڈیوٹی کے دن چھٹی لےکر نکلنا ہوگا۔ این آر ائیز کے اداروں نے رکن پارلیمان سے مطالبہ کیا ہے کہ ہوائی جہاز کے اوقات پہلے جیسےتھے ویسےہی کئےجائیں۔
ترمیم شدہ اوقات کے مطابق کویت کے لئے ہوائی جہاز منگلورو سے منگل کی صبح 6بجے اڑان بھرے گی اور ہر بدھ کی صبح 45-8 بجے کویت سے منگلورو کے لئے سفر کرے گی ۔ جس کی وجہ سے کویت میں مقیم ساحلی لوگوں کو کوئی سہولت نہیں ہوگی بلکہ اس سے پریشانی میں اضافہ ہی ہوگا۔ ہفتہ کے درمیان میں ہوائی سفر کے اوقات متعین کئے جانے سے پیشہ ور سمیت ملازمین کو کافی دقت ہوگی اس لئے پہلے جس طرح کے اوقات طئے تھے ویسےہی طئے کئےجائیں تو سہولت ہونےکی بات کہی گئی ہے۔
اس سلسلےمیں منگلورو ہوائی اڈے کے افسران کا کہنا ہے کہ اب جو اوقات ہیں وہ دراصل وندے بھارت مشن کے تحت 30نومبر تک جاری رہے گا، چونکہ یہ کووڈ -19کے دوران طئےکیاگیا وقت ہے جو کہ عارضی ہے۔ ان اوقات میں دوبارہ ترمیم ممکن ہونے کی بات کہی ۔