بہار میں این آر سی معاملہ پر بی جے پی میں ہی اختلاف

Source: S.O. News Service | Published on 21st September 2019, 11:31 AM | ملکی خبریں |

بھاگلپور،21؍ستمبر (ایس  او نیوز؍یو این آئی)  بہار میں حزب اقتدار جنتا دل یونائٹیڈ ( جے ڈی یو) کے ساتھ نائب وزیراعلیٰ اور بھارتیہ جنتا پارٹی ( بی جے پی ) کے سنیئر لیڈر سشیل کمار مودی جہاں ریاست میں قومی سٹیزن رجسٹر (این آر سی) کے مخالف ہیں وہیں نتیش حکومت کے محصولات اور اصلاحات اراضی اور بی جے پی لیڈر رام نارائن منڈل نے کہا کہ ریاست میں این آر سی کا نفاذ ہوگا اور اس پر کسی طرح کا اختلاف نہیں ہے۔

منڈل نے یہاں بھاگلپور اور بانکا ضلع کے محکمہ جاتی عہدیداران کے ساتھ جائزہ میٹنگ کے بعد نامہ نگاروںسے بات چیت میں کہاکہ بہارمیں بھی این آر سی کا نفاذ ہوگا اور اس پر کسی طرح کا اختلاف نہیں ہے۔ انہوں نے کہاکہ بہار میں این آر سی نافذ ہونے سے عام لوگوںکو کافی فائدہ ہوگا وہیں غلط طریقے سے رہنے والے لوگوں کی سرگرمیوں پر روک لگ پائے گی ۔

غورطلب ہےکہ مرکزی وزیر داخلہ اور بی جے پی کے قومی صدر امت شاہ نے بد ھ کو رانچی میں کہا تھاکہ این آر سی پورے ملک میں نافذہوگا ۔ ساتھ ہی مرکزی وزیر گری راج سنگھ سمیت بی جے پی کے دیگر لیڈران بہار میںبھی اسے نافذ کرنے کی مانگ کر رہے ہیں۔ وہیں نائب وزیراعلیٰ مودی نے کہاکہ بہار میں این آر سی کا نفاذ زیر غور نہیں ہے۔

وزیر نے کہاکہ ریاست کے کچھ اضلاع میں سیلاب کے امکانات کو دیکھتے ہوئے تمام تیاریاں پوری کرلی گئی ہیں اور متاثرہ علاقوں میں این ڈی آر ایف کو الرٹ کر دیا گیا ہے۔ سیلا ب متاثرین کو کسی طرح کی تکلیف نہیں ہونے دی جائے گی ۔ وزیراعلیٰ نتیش کمار کی قیادت میں سرکاری مشنری پوری طرح تیار اور چوبیس گھنٹے نظر رکھ رہی ہے۔

مسٹر منڈل نے کہاکہ بھاگلپور ڈویژن سمیت ریاست میں عام لوگوںسے جڑے زمین اور محصولات سے متعلق سارکے کاموں کو تیزی سے کرنے کیلئے سبھی افسران کو کہا گیا ہے۔ اگر کوئی افسر اس میں کوتاہی برتتے ہیں تو ان کے خلاف کاروائی کی جائے گی ۔ انہوں نے قبول کیاکہ آج ریاست میں زمینی تنازعے میں اضافہ ہوا ہے اور اس وجہ سے جرائم سمیت کئی مسائل پیداہوگئے ہیں۔ اس لئے انہوں نے محکمہ جاتی افسران کو زمین سے متعلق تنازعہ کو تیزی سے نمٹانے کی ہدایت دی ہے ۔

وزیرنے کہاکہ ریاست کے مختلف حصوں میںزمینی لگان اور داخل خارج کو آن لائن کرنے کے کام کو مقررہ مدت میں پورا کرلیا جائے گا۔ اس کے علاوہ آن لائن جمع بندی کا کام اس سال 02 اکتوبر سے شروع کر دیاجائے گا اور اس کا عمل تیزی سے چل رہاہے تاکہ عوام کو کسی طرح کی پریشانی نہ ہو ۔ انہوں نے ایک سوال کے جواب میں کہاکہ ریاست کے سبھی بلاکوں ، ڈویژن اور ضلع سطح کے محکمہ جاتی دفاتر میں وافر مقدار میں ملازمین اور امین کی تقرری جلد ازجلد ہوگی ۔

محصولات محکمہ کے پرنسپل سکریٹری ویویک کمار سنگھ نے بلاک سے ضلع سطح کے محکمہ جاتی کاموں خاص کر مفاد عامہ سے جڑے جمع بندی ، داخل خارج ، زمینی لگان ، زمین منتقلی کو ترجیح دینے کی ہدایت سبھی افسران کو دی ۔ ساتھ ہی عام لوگوں سے جڑی شکایتوں کے نپٹارہ میں بے وجہ تاخیر نہیں کرنے کی بھی ہدایت دی ۔ اجلاس میں پرنسپل سکریٹری کے علاوہ بھاگلپور اور با نکا کے ضلع مجسٹریٹ ، سبھی اے ڈی ایم ، سب ڈویژنل افسر ان بھی موجود تھے۔

ایک نظر اس پر بھی

ملک میں گزشتہ 24 گھنٹے میں کورونا کے 6387 نئے معاملے، متاثرین کی تعداد 1.50 لاکھ سے متجاوز

ملک میں گزشتہ دو دنوں کے دوران کورونا انفیکشن کے نئے معاملوں میں جزوی کمی آئی اور تقریباً 4000 لوگوں کے صحت مند ہونے سے جہاں تھوڑی راحت ملی ہے، وہیں گزشتہ 24 گھنٹے میں انفیکشن کے 6387 نئے کیس سامنے آنے سے ملک میں اس سے متاثر ہونے والے لوگوں کی تعداد 1.50 لاکھ سے تجاوز کر گئی ہے۔

گجرات کے سورت سے نکلی ٹرین ، بہار کے چھپرا کے بجائے پہنچی کرناٹک کے بنگلورو: مزدورں کا حال بے حال

لاک ڈاؤن کی مدت میں مزدوروں کو ان کے وطن لوٹانے گجرات سے نکلی ایک مزدور ٹرین (شریمک ریل ) بہار پہنچنے کے بجائے کرناٹکا کے بنگلورو پہنچ کر سب کو حیرت میں ڈال دیا ہے۔ گرچہ یہ ایک مذاق لگتا ہے مگر ہے حقیقت۔ اسی طرح اور ایک خصوصی مزدور ریل گجرات کے سورت سے 1200مزدوروں کو لے کر بہار کے ...

تبلیغی جماعت کے 57 غیر ملکی افراد عدالت سے بری، حکومت ہریانہ کو ان کے ملک بھیجنے کا حکم

  ہریانہ کی ایک عدالت نے اہم فیصلہ سناتے ہوئے سبھی چھ ممالک کے 57 غیرملکی جماعتیوں پرغیرملکی قوانین کے تحت عائد تمام دفعات کو بے بنیاد تسلیم کرتے ہو ئے سبھی جماعتیوں کو بری کردیا اورہریانہ حکومت کو حکم دیا کہ جلد سے جلد سبھی جماعت والوں کو ان کے ملک بھیجنے کا انتظام کرے۔ یہ بات ...

مزدور پیدل نہ جائیں، سب کے لئے مفت ریل سفر کے انتظامات: منیش سسودیا

  دہلی کے نائب وزیر اعلی منیش سسودیا نے تارکین وطن مزدوروں سے پیدل سفر نہ کرنے کی اپیل کی ہے۔ انہوں نے کہا ہے کہ دہلی حکومت نے تمام مفت ریل سفروں کا انتظام کیا ہے۔ 7 مئی سے 25 مئی تک ، 2،41،169 افراد کو 196 ٹرینوں کے ذریعے ان کے گھر بھیج دیا گیا ہے۔ بہار میں سب سے زیادہ 1،25،711 افراد ہیں ...

ملک میں پہلی بار 5 ہزار مسلمانوں نے عید کی نماز آن لائن ادا کی

 کورونا وائرس کے سبب جب لوگوں کو مسجد میں جا کر نمازیں پرھنے اورعبادت کرنے پرروک لگی ہوئی ہے اور مسلمان اجتماعی عبادت کے بجائے انفرادی عبادت کرنے پر مجبور ہیں تو ایسی استثنائی صورتحال میں نئی اور جدید ٹیکنالوجی کے استعمال کی ضرورت پر زور دیتے ہوئے