ہندوستان میں اب چاول پر پڑے گی مہنگائی کی مار، قیمت میں اضافہ کا اندیشہ

Source: S.O. News Service | Published on 3rd August 2022, 10:19 PM | ملکی خبریں | ان خبروں کو پڑھنا مت بھولئے |

نئی دہلی،3؍اگست (ایس او نیوز؍ایجنسی) دنیا کے بازاروں میں چاول کی کمی مہنگائی کو مزید بڑھانے کی طرف اشارہ دے رہی ہے۔ اس بحران کی وجہ ہے ہندوستان کے کچھ علاقوں میں کم بارش کے سبب دھان کی بوائی میں کمی۔ ملک میں گزشتہ تین سالوں میں دھان کی زراعت کا بوائی علاقہ سب سے کم ہو گیا ہے۔ دراصل ہندوستان چاول کا سب سے بڑا برآمد کنندہ ملک ہے، ایسے میں یہاں دھان کی بوائی کم ہونے سے چاول کی پیداوار کم ہوگی اور اس کا اثر گھریلو بازار کے ساتھ ساتھ ان ممالک پر بھی پڑے گا جہاں ہندوستان چاول برآمد کرتا ہے۔ پیداوار کم ہونے سے اس کی قیمتیں بھی بے تحاشہ بڑھ سکتی ہیں۔ اس کے آثار تو کچھ ریاستوں میں دکھائی بھی دینے لگے ہیں۔

ایک رپورٹ کے مطابق چاول کی پیداوار پر خطرہ ایسے وقت میں منڈلا رہا ہے جب دنیا بھر کے ملک خوردنی اشیاء کی لگاتار بڑھتی قیمتوں سے پریشان ہیں۔ ہندوستان میں اس سال اب تک دھان کی بوائی میں 13 فیصد تک کی کمی آ چکی ہے اور اس کی وجہ ہے ملک کے کچھ حصوں، خصوصاً بنگال اور اتر پردیش جیسی ریاستوں میں کم بارش ہونا۔ قابل ذکر ہے کہ صرف دو ریاستیں ہی مل کر ملک میں تقریباً ایک چوتھائی چاول کی پیداوار کرتی ہیں۔

چاول تاجروں کا ماننا ہے کہ ملک میں اس کی کم پیداوار جہاں مہنگائی کے ساتھ لڑائی کو کمزور کرے گی وہیں ہمیں برآمدات پر پابندی لگانے کے لیے مجبور بھی کرے گی۔ اگر ایسا ہوتا ہے تو ہندوستان کے چاول پر منحصر کروڑوں لوگوں کو اس کے منفی نتائج برداشت کرنے پڑیں گے۔ دنیا بھر میں چاول کے کاروبار میں ہندوستان کی شراکت داری 40 فیصد ہے۔ حکومت ملک میں قیمتوں کو کنٹرول کرنے کے لیے گیہوں اور چینی کی برآمدات پر پہلے ہی بندش لگا چکی ہے۔

ہندوستان میں چاول کی بڑھی ہوئی قیمتیں بھی پیداوار میں کمی کے تئیں فکر کو ظاہر کرتی ہیں۔ میڈیا رپورٹس کے مطابق چاول کی کچھ قسموں کی قیمتیں گزشتہ دو ہفتوں کے دوران بارش میں کمی کے سبب ملک کی بڑی چاول پروڈیوسر ریاستوں مغربی بنگال، اڈیشہ اور چھتیس گڑھ میں دس فیصد تک بڑھ چکی ہیں۔ بنگلہ دیش میں طلب بڑھنے سے بھی ان ریاستوں میں چاول کی قیمتوں میں تیزی آ رہی ہے۔ واضح رہے کہ دنیا میں چاول کی سب سے زیادہ پیداوار اور استعمال ایشیا میں ہی ہوتی ہے۔ ایشیائی ممالک میں سیاسی اور معاشی استحکام کے لحاظ سے یہ ایک اہم کڑی ہے۔ روس کے یوکرین پر حملہ کے بعد گیہوں اور مکئی کی قیمتوں میں اضافہ آنے کے بعد چاول پر انحصار بڑھا ہے۔ اس سے فوڈ بحران کو دور کرنے میں تو مدد ملی ہے، لیکن ساتھ ہی چاول کا ذخیرہ بھی کم ہو گیا ہے۔

چاول کی پیداوار میں کمی سے ملک میں جاری مہنگائی سے لڑائی بھی متاثر ہو سکتی ہے۔ ملک میں مہنگائی کی شرح آر بی آئی کی ٹولرنس سطح چھ فیصد سے اوپر بنی ہوئی ہے۔ اس سے شرح سود میں اضافہ کا امکان بھی بڑھ گیا ہے۔ آر بی آئی روپے میں مضبوطی لانے کی کوشش کے تھت اس ہفتے اس پر فیصلہ لے سکتا ہے۔

ایک نظر اس پر بھی

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...

غزہ پر اسرائیلی جارحیت، 2 دن میں 24 فلسطینی جان بحق

غزہ میں وزارت صحت نےبتایا ہے کہ گذشتہ دو روز کے دوران غزہ کے علاقے پر جاری اسرائیلی فضائی حملوں میں اب تک کم سے کم 24 فلسطینی شہید ہوچکے ہیں۔ شہدا میں چھ بچےاور ایک خاتون بھی شامل ہے۔ دوسری جانب متحدہ عرب امارات، فرانس، چین اور دیگر ممالک نےغزہ میں تازہ پیش رفت پر بحث کے لیے کل ...

کاروار:ضلع ڈی سی کی ذمہ داری ہے کہ وہ ووٹر کارڈکے ساتھ آدھارکارڈ لنک کرائیں : چیف الیکشن کمشنر

اترکنڑا ضلع  کے سبھی رائے دہندگان کے شناختی کارڈ(ووٹرس کارڈ)کو آدھار کارڈ کے ساتھ لنک کرنے کے متعلق عوام میں  بیداری پیدا کرنا متعلقہ اضلاع کے ڈپٹی کمشنروں کی ذمہ داری ہے۔ ریاستی چیف الیکشن کمشنر منوج کمار مینا نے اس بات کا اعلان کیا۔

مینگلور: یوم آزادی کے امرت مہا اتسوا پر چارافراد کے قاتل کی رہائی کے فیصلے کی سخت مخالفت ، اہل خانہ نے کہا؛ اس کی ر ہائی یوم آزادی کے امرت مہا اتسوا کی تو ہین ہوگی

1994 میں  ایک ہی خاندان  کے چار   افراد کا قتل کرنے والے قاتل کی رہائی کے فیصلے  پر مقتولوں کے اہل خانہ کے اراکین نے سخت مخالفت کی ہے ۔  ذرائع سے ملی اطلاع کے مطابق قاتل  پروین کمار ہے کو آزادی کا امرت مہا  اتسو اتقریبات کے حصہ کے طور پر رہا کرنے کے لئے منتخب کیا گیا ہے پتہ چلا ہے ...