اب راجستھان بی جے پی کو لگا جھٹکا، ہریش ڈابی سمیت 15 بی جے پی اور آزاد کونسلر کانگریس میں شامل

Source: S.O. News Service | Published on 13th October 2021, 11:57 PM | ملکی خبریں |

سری گنگا نگر،13؍اکتوبر(ایس او نیوز؍ایجنسی) راجستھان کے سری گنگا نگر ضلع میں رائے سنگھ نگر میونسپل کے نائب صدر ہریش ڈابی سمیت 15 بی جے پی اور آزاد کونسلر کانگریس میں شامل ہوگئے۔ موصولہ اطلاعات کے مطابق میونسپل بورڈ میں اب کانگریس کونسلروں کی تعداد 18 ہوگئی ہے۔ اس سے بی جے پی میونسپل صدر منیش کوشل ٹونی اقلیت میں آگئے ہیں۔ بورڈ میں کل 35 کونسلر ہیں۔ سمجھا جارہا ہے کہ میونسپلٹی کے صدر منیش کوشل اور نائب صدر ہریش ڈابی کی آپسی رنجش اور گروپ بازی کے سبب یہ پھیر بدل ہوا ہے۔

دوپہر میں ہریش ڈابی سمیت 18 کونسلر پدم پور میں جاکر کانگریس ایم ایل اے گرمیت کنور سے ملے۔ ان میں تین کانگریس کے کونسلر شامل تھے۔ ڈابی سمیت 15 کونسلروں نے کانگریس کی رکنیت اختیار کرنے کی خواہش ظاہر کی۔ گرمیت کنور نے انہیں پارٹی کی رکنیت حاصل کرائی۔

کانگریس کی رکنیت حاصل کرنے والوں میں بی جے پی کو چھوڑ کر آنے والے کونسلر سونینا شاہ، اشوک گوئل، چرنجیت سنگھ عرف گنگ، ملکہ سونی، جگدیش کڈیلا، سنیل نائک اور خود میونسپلٹی کے نائب صدر ہریش ڈابی شامل ہیں۔ آزاد کونسلروں میں فتح چند اگرول، سنجے نائک، ہنس راج نائک، سریندر عرف وکی، شیام سندر بالمیکی، نتیش بشنوئی، شرون پاریک اور سروج زانڈا شامل ہیں۔

دس مہینے قبل میونسپل بورڈ کے انتخاب میں صدر عہدے کے امیدوار نہ بنائے جانے کے معاملے پر اشوک گوئل پارٹی سے ناراض چل رہے تھے۔ 35 رکنی بورڈ کے لئے بی جے پی کے 16 اور کانگریس کے تین کونسلر منتخب ہوئے تھے جبکہ 16 کونسلر آزاد منتخب ہوئے تھے۔ منیش کوشل ٹونی آزاد کونسلر منتخب ہوئے، لیکن بی جے پی نے انہیں صدر کے الیکشن میں ٹکٹ دے دیا۔ کوشل آزاد میونسپل صدر منتخب ہوئے۔ ان کے سامنے کانگریس نے امیدوار کھڑا نہیں کیا۔ میونسپل ایکٹ کے مطابق میونسپلٹی کے خلاف ابھی تحریک عدم اعتماد نہیں لائی جا سکتی۔ ایکٹ میں التزام ہے کہ منتخب میونسپل صدر کی مدت کار کم سے کم دو برس مکمل ہونے کے بعد ہی تحریک عدم اعتماد پیش کی جاسکتی ہے۔

ایک نظر اس پر بھی

کانگریس نے پیگاسس کیس پرعدالت کے فیصلے کاخیرمقدم کیا

کانگریس نے بدھ کو سپریم کورٹ کے مبینہ پیگاسس جاسوسی کیس کی تحقیقات کے لیے تین رکنی کمیٹی قائم کرنے کے فیصلے کا خیرمقدم کرتے ہوئے کہاہے کہ’ستیہ میو جیتے۔‘‘پارٹی کے چیف ترجمان رندیپ سرجے والانے ٹویٹ کیاہے کہ بزدل فاشسٹوں کی آخری پناہ گاہ مبینہ قوم پرستی ہے۔

بی جے پی رکن اسمبلی کرشنا کلیانی بھی ترنمول کانگریس میں شامل

 بنگال بی جے پی کو دھکچے لگنے کا سلسلہ جاری ہے۔ اب رائے گنج سے بی جے پی کے ممبر اسمبلی کرشنا کلیانی جنہوں نے یکم اکتوبر کو بی جے پی چھوڑ دی تھی نے قیاس آرائیوں کے مطابق آج پارٹی کے سکریٹری جنرل پارتھو چٹرجی کی موجودگی میں ترنمول کانگریس میں شامل ہوگئے۔

ہندوتوا وادی مظاہرین کے ہاتھوں تریپورہ کی 16 مساجد میں توڑ پھوڑ، 3 مساجد نذر آتش

شمال مشرقی ریاست تریپورہ میں حالات دن بدن شدت اختیار کرتے جا رہے ہیں۔ بنگلہ دیش میں ہندوؤں کے خلاف ہوئے تشدد کی مذمت میں کئی دنوں سے ریاست بھر میں مظاہرے اور ریلیاں جاری تھیں، لیکن یہ ریلیاں شدت اختیار کر گئیں اور ریاست کے مسلمانوں کے خلاف متشدد ہوگئیں۔

وزیراعلی ملازمتیں فراہم کریں یا مستعفی ہوجائیں: وائی ایس شرمیلا

 وائی ایس آر تلنگانہ پارٹی کی سربراہ وائی ایس شرمیلا نے کہا ہے کہ ہر گھر کو ایک ملازمت یا نہیں تو بے روزگاری کا الاونس فراہم کرنے ولے وزیراعلی کے چندرشیکھرراو کے وعدہ پر یقین کرتے ہوئے عوام نے ان کو اقتدار حوالے کیا، تاہم موجودہ صورتحال یہ ہوگئی ہے کہ ریاست میں بے روزگاری میں ...

پیگاسس معاملہ پر مرکز کو سپریم کورٹ سے جھٹکا! تفتیشی کمیٹی کا قیام

پیگاسس معاملہ میں سپریم کورٹ نے مرکزی حکومت کو جھٹکا دیتے ہوئے کہا کہ پیگاسس معاملہ کی جانچ ہوگی، عدالت نے جانچ کے لئے ماہرین کی ایک کمیٹی بھی تشکیل دے دی ہے۔ عدالت عظمیٰ نے کہا کہ اس معاملہ میں مرکز کا رخ واضح نہیں اور رازداری کی خلاف ورزی کی تحقیقات ہونی چاہئے۔