ترکی میں 11 نومبر کو ’یومِ قومی شجرکاری‘ منائے جانے کا صدر اردغان کا اعلان
انقرہ،7نومبر(آئی این ایس انڈیا)صدر رجب طیب ایردوان نے 11 نومبر سے ہر سال ’یومِ قومی شجرکاری‘ کے طور پر منانے کا اعلان کیا ہے۔صدر ایردوان نے 11 نومبر کو شجرکاری کی مہم کے موقع پر جاری کردہ اپنے بیان میں کہا کہ ترکی کے 78 ملین ہیکٹراراضی اکالوجیک لحاظ سے بڑی زرخیز اور پودوں کی اقسام اور تنوع کے لحاظ سے دیگر علاقوں پر برتری رکھتی ہے۔
صدر ایردوان نے اس طرف اشارہ کیا کہ جنگلات کی اقسام اور کمپوزیشن بڑی اہمیت کی حامل ہے۔ انہوں نے کہا کہ پورے ملک میں ایک ساتھ شجر کاری کی مہم کا آغاز کیا جائے گا۔صدر ایردوان نے کہا کہ اس تقریب سے متعلق معلومات وزارت زراعت اور جنگلات کی ویب سائٹ پربھی دستیاب ہیں۔انہوں نے کہا کہ ہمیں یقین ہے کہ سا ت سال ست 77 سال تک کی عمر کے تمام شہری اس تقریب کو رضاکارانہ طور پر حصہ لیں گے، جس کا مقصد 81 صوبوں میں 2023 مقامات پرتین گھنٹوں میں 11 ملین پودے لگاتے ہوئے نیا عالمی ریکارڈ قائم کرنا ہے۔