سرسی : 29؍ مئی (ایس اؤ نیوز ) اترکنڑا ضلع میں فوریسٹ قانون کے تحت زمین حق کے لئے عرضی داخل کئے فوریسٹ مکینوں کےا نخلاء کےلئے بورڈ کی طرف سے کی جارہی قانونی کارروائیوں کو بند کرنے کا ارنیا بھومی حقو ہوراٹ گارر ویدیکے کے صدررویندر نائک نے سرسی فوریسٹ چیف آفیسر سے مطالبہ کیا ہے۔
اس سلسلے میں ویدیکے کے صدرنے سرسی میں فوریسٹ کے چیف آفیسر وسنت ریڈی سے ملاقات کرتےہوئے فوریسٹ مکینوں کےخلاف جاری قانونی کارروائیوں کو روکنے کا مطالبہ کرتےہوئے میمورنڈم سونپا۔ انہوں نے کہاکہ فوریسٹ قانون کے تحت درج فہرست پسماندہ طبقات یا روایتی فوریسٹ مکینوں کی منظوری اور معائنہ کارروائی مکمل ہونے تک فوریسٹ مکینوں کے انخلاء پر پابندی عائد کی گئی ہے ۔ اس وضاحت کے باوجود بورڈ کی طرف سے اتی کرم داروں کو محکمہ کی جانب سے نوٹس جاری کرنا قابل مذمت ہے۔
کاگوڈ تمپا جب اسپیکر تھے تو اسی وقت انہوں نےودھان سبھا میں اس پر بحث کراتےہوئے فیصلہ لیا تھا کہ ریاستی حکومت ان اتی کرم داروں کو نکال باہر نہیں کرے گی اورفوریسٹ قانون میں شامل نہیں کرے گی جنہوں نے عرضی داخل کی ہے۔ اس وضاحتی حکم کے بعد بھی باربار اتی کرم داروں کو فوریسٹ افسران کی طرف سے ہراساں کرنے پر صدر رویندر نائک نے مذمت کی ہے۔