ناگپور،08/اکتوبر(ایس او نیوز/آئی این ایس انڈیا)ایچ سی ایل کے صدر شیو ناڈر نے منگل کوکہاہے کہ حکومت اکیلے ملک کو آگے نہیں لے جا سکتی بلکہ ملک کے سامنے جو چیلنجز ہیں اورجو مسائل ہیں ان کے حل کے لیے تمام فریقین کو مل کر کام کرنا ہو گا۔مہاراشٹر کے ناگپور میں راشٹریہ سویم سیوک کے وجے دشمی پروگرام میں انہوں نے کہاہے کہ نجی شعبے، سول اور غیر سرکاری تنظیم چیلنجوں سے نمٹنے کے لئے سامنے آئیں۔ اکیلے حکومت ملک کو آگے نہیں لے جا سکتی ہے، اس کے لیے تمام فریقین کی برابرکی شراکت داری کی ضرورت ہے۔ ملک کے سامنے کئی چیلنج ہیں لیکن حکومت اکیلے ان کا حل نہیں نکال سکتی۔اس سے نمٹنے کے لیے نجی شعبے، شہریوں اور غیر سرکاری تنظیموں کو تعاون دینا ہوگا۔