گوہاٹی،9ستمبر(ایس او نیوز/آئی این ایس انڈیا) نارتھ ایسٹ ڈیموکریٹک الائنس (نیڈا) کی میٹنگ میں حصہ لینے آسام پہنچے مرکزی وزیر داخلہ امت شاہ نے دراندازوں کے بہانے کانگریس پارٹی پر جم کر نشانہ لگایا۔انہوں نے کہا کہ کانگریس پارٹی نے شمال مشرقی میں تقسیم کرواور راج کرو کی پالیسی اپنائی۔یہی نہیں شمال مشرق میں دہشت گردی کے مسئلے کو حل کرنے کے بجائے کانگریس نے اسے اورابھارا۔شاہ نے کہا کہ آسام ہی نہیں پورے ملک کو غیر ملکی دراندازوں سے آزاد کیا جائے گا اور اس کے لئے منصوبہ تیار کیا جا رہا ہے۔اجلاس سے خطاب کرتے ہوئے وزیر داخلہ شاہ نے کہاکہ کانگریس نے پھوٹ ڈالو اور راج کرو والی پالیسی ہی اپنائی تھی،ہر ریاست ہندوستان کا اٹوٹ حصہ ہے،اس جذبہ کو ہر شخص تک اگر پہنچانا تھا تو یہ بہت ضروری تھا کہ شمال مشرق کانگریس سے آزاد بنے۔نارتھ ایسٹ میں دہشت گردی کے مسئلے کو حل کرنے کے بجائے کانگریس نے اسے اورتیزکیاتاکہ اپنا راج بنا رہے۔انہوں نے کہاکہ آزادی کے بعد سے 2014 تک کانگریس نے شمال مشرقی میں زبان، ذات، ثقافت، علاقے خاص کی بنیاد پر جھگڑے پیدا کئے۔اس سے مکمل نارتھ ایسٹ بدامنی کا گڑھ بن گیا،یہاں ترقی کی جگہ بدعنوانی کو اہم جگہ دینے کا کام کانگریس نے کیا۔انہوں نے کہا کہ نارتھ ایسٹ کے ریاستوں نے این آڑسی پر تشویش ظاہر کی ہے کہ کافی لوگ چھوٹ گئے ہیں، تو اور زیادہ شدت سے کام ہونا چاہئے۔مرکزی وزیر داخلہ نے کہاکہ میں سب کو یقین دلانا چاہتا ہوں کہ ایک بھی در انداز آسام کے اندر رہ بھی نہیں پائے گا اور دوسرے ریاست میں گھس بھی نہیں پائے گا،ہم صرف آسام کو دراندازوں سے آزاد کرنا نہیں چاہتے بلکہ پورے ملک کو دراندازوں سے آزاد کرنا چاہتے ہیں،اس کے لئے منصوبہ بندی بھی تیار کی جا رہی ہے۔ شاہ نے کہا کہ آرٹیکل 370 مختصر مدت شق تھا اور آرٹیکل 371 خاص انتظام ہے۔یہ آرٹیکل نارتھ ایسٹ کا حق ہے اور اسے کوئی چھونے والا نہیں ہے۔امت شاہ نے کہاکہ آسام کے انتخابات کے بعد جب نارتھ ایسٹ ڈیموکریٹک الائنس کا خیال آیا تو میں نے ساتھیوں سے اس پر بحث کی،تب یہ بات نکل کر آئی کی این ڈی اے کی توسیع نیچے کی سطح تک لے جانا ہے تو نیڈا ضروری ہے،لہذا نیڈا کے قیام کی بیج 2016 میں بویا گیا، جو آج بہت بڑا وٹ ٹوٹ بن کر پورے نارتھ ایسٹ کو سایہ دے رہا ہے۔