انڈمان اورنیکوبار کا آخری بوتھ، جہاں نہیں پڑاایک بھی ووٹ
پورٹ بلیئر ، 15 اپریل(ایس او نیوز؍آئی این ایس انڈیا)ملک میں عام انتخابات چل رہے ہیں اور پہلے مرحلے کی ووٹنگ ہو بھی چکی ہے، لیکن ایک پولنگ بوتھ ایسا بھی ہے جہاں ایک بھی ووٹ نہیں پڑا۔یہ بوتھ ملک کے جنوبی حصے میں انڈمان اور نیکوبار جزائر کے سب آخری سرے پر آباد شومپین ہٹ میں ہے۔یہاں کے گھنے جنگلوں میں پتھر کے زمانے سے بسی قبائل رہتے ہیں۔گریٹ نکوبار جزائر کے بالکل جنوبی سرے اندرا پوائنٹ سے 20 کلومیٹر کے فاصلے پر آباد ہے۔2014 میں ہوئے انتخابات میں قبائلی شومپین قبیلے کے دو ارکان نے یہاں ووٹ ڈالا تھا، جو تاریخ میں پہلی بار ہوا تھا۔انڈومان اور نیکوبار کے چیف الیکشن افسر آر مینا نے بتایاکہ شومپین ہٹ میں دو انتخابی بوتھ ہیں، جس میں سے ایک میں 66 تو دوسرے میں 22 ووٹرس ہیں،ہماری پولنگ پارٹی وہاں پولنگ کے لئے گئی ہوئی تھی،اگرچہ اس سال وہاں ایک بھی ووٹ نہیں پڑا۔ انہوں نے بتایاکہ گھنے جنگلوں میں آباد قبائلی ہفتے میں یا 15 دنوں میں باہر نکل کر شومپین ہٹ میں راشن لینے آتے ہیں۔مقامی افسران کپڑے پر گانٹھ باندھ کر یہ اطلاع دیتے رہے کہ الیکشن میں کتنے دن اب بچے ہوئے ہیں،قبائلیوں کے لئے اسی طرح کی نشانی زبان کا استعمال ہے لیکن کوئی بھی ووٹ دینے نہیں آیا،شاید وہ ووٹ دینے کے لئے آنا ہی نہیں چاہتے ہوں۔ووٹروں کو بیدار کرنے کے لئے جنگلوں میں نہیں جانے کے بارے میں پوچھنے پر افسر نے کہاکہ سپریم کورٹ اورقبائلی وزارت کی یہ ہدایات ہے کہ سوائے قبائلیوں کے کوئی بھی گہری جنگل میں نہیں جائے گا،ہم مدد کے لئے تیار ہیں، لیکن ان پر دباؤ نہیں ڈال سکتے۔بتا دیں کہ انڈمان اور نیکوبار جزائر پر 6 ذاتوں کے قبائلی آباد ہیں جن میں سے جروا اور سیٹنليس نے ہندوستانی انتخابات تاریخ میں آج تک کبھی ووٹ نہیں ڈالا،دیگر 4 قبائل میں گریٹر انڈومان، نکوبارذ، شومپین اور اونگیس ذاتیں ہیں۔