بیلگاوی : شمالی کرناٹکا بنے گا ایک نئی ریاست ، ملک میں ریاستوں کی تعداد بڑھ کر ہوجائے گی پچاس؛ وزیر اومیش کٹّی کا بیان

Source: S.O. News Service | Published on 23rd June 2022, 5:43 PM | ساحلی خبریں | ریاستی خبریں |

بیلگاوی 23/ جون (ایس او نیوز) وزیر برائے فوڈ اینڈ سول سپلائی اُومیش کٹّی نے یہ کہہ کر ایک نیا تنازعہ کھڑا کر دیا ہے کہ ایک نہ ایک دن شمالی کرناٹکا ایک نئی ریاست بن جائے گا ۔ وزیر موصوف  نے مزید یہ بھی اعلان کردیا کہ :" یا تو میں خود ریاست شمالی کرناٹکا کا وزیر اعلیٰ بنوں گا یا پھر اس عہدہ پر میرا بیٹا فائز ہوگا ۔"

اُومیش کٹی کا کہنا ہے کہ 2024 کے انتخابات کے بعد ملک میں ریاستوں کی تعداد 50 ہو جائے گی ۔ وزیر اعظم نریندرا مودی 50 ریاستیں تشکیل دینا چاہتے ہیں ۔ وہ یہ کام الیکشن کے بعد کریں گے ۔ اتر پردیش کو 4 ، مہاراشٹرا کو 3 اور کرناٹکا کو 2 ریاستوں میں تقسیم کیا جائے گا - 

انہوں نے کہا : بینگلورو میں اب کوئی کشش باقی نہیں رہی ۔ ٹریفک بھیڑ وہاں بہت بڑا مسئلہ بن گیا ہے ۔ 10 کلو میٹر سفر طے کرنے کے لئے ایک گھنٹہ کا وقت درکار ہوتا ہے ۔ بینگلورو کے بہت سارے علاقوں میں پانی کی  قلت کا سامنا ہے ۔ میں نہیں سمجھتا کہ اب مزید کوئی آئی ٹی اور بی ٹی کمپنی اپنا دفتر بینگلورو میں قائم کرنا چاہے گی ۔

اس کے بجائے شمالی کرناٹکا ترقی کر رہا ہے ۔ ہمارے پاس بیلگاوی ، ہبلی اور دوسرے شہروں میں نئے ایئر پورٹس ہیں ۔ ہم کیتّور میں ایک نیا انٹرنیشنل ایئر پورٹ تعمیر کرنے کی کوشش کر رہے ہیں ۔ بیلگاوی میں سوورنا سودھا اور دھارواڑ میں ہائی کورٹ بینچ موجود ہے ۔ اس طرح ہم شمالی کرناٹکا کو ایک نئی ریاست میں تبدیل کرنے کے لئے تیار ہیں ۔

خیا ل رہے کہ   ملک   میں اِس وقت ریاستوں کی تعداد 29 ہے۔ اس کے علاوہ ملک میں  مرکزی حکومت  کے  زیر انتظام سات علاقے یعنی (سات یونین  ٹیریٹریز) ہیں اور مرکز کے زیر انتظام اِن  علاقوں کا انتظام صدر کے ذریعہ مقرر کردہ منتظم کے ذریعے کیا جاتا ہے۔

ایک نظر اس پر بھی

موڈ بیدری میں انجینئرنگ کالج کمپاونڈ کی دیوار گرنے سے 4 کاروں کو نقصان 

میجارو گرام پنچایت حدود میں واقع مینگلورو انسٹی ٹیوٹ آف ٹیکنالوجی اینڈ انجینئرنگ (مائٹ) کی کمپاونڈ وال بھاری برسات کی وجہ سے گر گئی جس کے نتیجہ میں حالانکہ کسی کا جانی نقصان نہیں ہوا مگر وہاں پارک کی گئی طلبہ اور والدین کی 4 کاروں کو نقصان پہنچا ۔ 

اتر کنڑا ضلع میں موسلادھار بارش جاری : یلاپور میں بجلی لائن درستی کے دوران ایک شخص فوت ،درخت اور بجلی کے کھمبے گرنےسے نقصانات

اترکنڑا ضلع میں منگل کو بھی موسلادھار بارش جاری رہی۔ کاروار، بھٹکل ، سرسی ، یلاپور سمیت کئی تعلقہ جات میں رک رک کر طوفانی ہواؤں کےساتھ تیز رفتار بارش برستی رہی ہے۔ سڑکیں، قومی شاہراہیں ، گلی محلوں میں بارش کا پانی جمع ہونےسے چھوٹے چھوٹے تالاب بن گئے ہیں ، بجلی کے کھمبے اور ...

بھٹکل سمیت اُترکنڑا میں موسلادھار بارش کا سلسلہ جاری؛ کل بدھ کو بھی اسکولوں اور کالجوں میں چھٹی کا اعلان

بھٹکل سمیت ضلع اُترکنڑا میں موسلادھار بارش کا سلسلہ جاری ہے جسے  دیکھتے ہوئے اُترکنڑا  ڈپٹی کمشنر ملئے مہیلن نے کل بدھ کو بھی پیشگی حفاظتی انتظامات کے تحت  اسکول اور کالجس سمیت تمام تعلیمی اداروں میں چھٹی کا اعلان کیا ہے۔ بھٹکل کی طرح ہوناور، کمٹہ ، انکولہ اور کاروار میں ...

بنگلور میں کانگریس لیڈر ضمیراحمد خان کے مکان اور دفتر پر اے سی بی کے دھاوے؛ کانگریس نے کہا؛ سب انسپکٹرس بھرتی اسکیم سے عوام کی توجہ ہٹانے کی کوشش

کرناٹک اینٹی کرپشن بیوروکے عہدیداروں نے منگل کے دن غیرمتناسب اثاثوں کی انفورسمنٹ ڈائرکٹوریٹ(ای ڈی) رپورٹ پر کانگریس رکن اسمبلی بی زیڈ ضمیر احمد خان کے 5 مقامات پر بہ یک وقت دھاوے کئے۔

بھٹکل: ساحلی کرناٹکا کے علاوہ دیگر 6 اضلاع میں بھی موسلا دھار بارش  -طالبہ سمیت 2 ہلاک ۔ ندیاں پار کر گئیں خطرے کا نشان ؛ کاروار کے قریب انموڈ گھاٹ پر چٹان کھسک گئی

ریاست کے ساحلی علاقہ کے شمالی کینرا، اُڈپی اور  جنوبی کینرا کے علاوہ کوڈاگو، چکمگلورو اور شیموگہ جیسے اضلاع  زبردست بارش کی زد میں آ گئے ہیں ۔  جس کے نتیجے میں کئی علاقوں سے نقصانات کی خبریں بھی موصول ہورہی ہیں، جبکہ  بارش کے نتیجے میں اب تک  دو لوگوں کی موت واقع ہوئی ہے۔

کولار میں شانِ رسالتؐ میں گستاخی اور قرآن شریف کی بے حرمتی کے واقعے پر بھٹکل تنظیم کی سخت مذمت؛ خاطیوں کے خلاف سخت کاروائی کا مطالبہ

کولار میں  جمعہ کے روز اُدے پور واقعے  کو لے کر منعقدہ  احتجاج  میں  ہندو تنظیموں کی طرف سے  پھر  ایک بار شان رسالتؐ میں گستاخی اور قرآن شریف کی کھلے عام بے حرمتی کا معاملہ سامنے آنے پر مجلس اصلاح و تنظیم بھٹکل نے سخت تشویش کا اظہار کیا ہے اور نوپور شرما  کی حمایت کرتے ہوئے  کی ...