مرکزی وزیر سنتوش گنگوار کا بڑا بیان، کہا ملک میں روزگار کی نہیں، قابل نوجوانوں کی کمی ہے
نئی دہلی،15 /ستمبر(ایس او نیوز/آئی این ایس انڈیا) مرکزی وزیر سنتوش گنگوار نے بے روزگار نوجوانوں کو لے کر ایک بڑا بیان دیا ہے۔انہوں نے بریلی میں ایک پروگرام میں شرکت کرتے ہوئے کہا کہ آج ملک میں کام کی کوئی کمی نہیں لیکن شمالی ہند کے نوجوانوں میں وہ قابلیت نہیں کہ انہیں روزگار دیا جا سکے۔ان کا کہنا ہے کہ ہم اسی وزارت کو دیکھنے کا کام کرتے ہیں اسی لیے مجھے معلومات ہے کے ملک میں روزگار کی کوئی کمی نہیں ہے۔روزگار بہت ہے، روزگار دفتر کے علاوہ بھی ہماری وزارت بھی اس کی نگرانی کر رہی ہے۔روزگار کاکوئی مسئلہ نہیں ہے بلکہ جو بھی کمپنیا ں روزگار دینے آتی ہیں ان کا کہنا ہوتا ہے کے ان نوجوانوں میں وہ قابلیت نہیں ہے۔ انہوں نے کہا کہ ملک میں بحران کی بات سمجھ میں آ رہی ہے لیکن روزگار کی کمی نہیں ہے۔اس دوران انہوں نے یوپی کے سابق وزیر اعلی اکھلیش یادو اور سماج وادی پارٹی لیڈر اعظم خاں پر نشانہ لگاتے ہوئے کہا کہ اکھلیش جی ڈررہے ہیں لیکن ہم کسی کو چھوڑیں نہیں۔انہوں نے کہا کی میں تو رامپور کی عوام سے بھی کہوں گا کی انہوں نے ایک ایسے شخص کو منتخب کر کے بھیجا یہ ان کے لئے بھی بدقسمتی کی بات ہے۔ غور طلب ہے کہ ملک میں بے روزگار نوجوانوں کو لے کر کانگریس حکومت پر حملہ بولتی رہی ہے۔کچھ وقت پہلے ہی کانگریس جنرل سکریٹری پرینکا گاندھی واڈرا نے آٹو سیکٹرکے بحران سے گھرے ہونے سے متعلق خبروں کو لے کر نریندر مودی حکومت پر نشانہ لگایا تھا۔انہوں نے کہا تھا کہ اس پر حکومت کی خاموشی سب سے زیادہ خطرناک ہے۔انہوں نے ٹویٹ کر کہا تھا کہ آٹو سیکٹر کے 10 لاکھ لوگوں کی نوکری پر خطرہ منڈلا رہا ہے۔یہاں کام کرنے والے لوگوں کو اپنی روزی روٹی کے نئے ٹھکانے ڈھونڈنے پڑیں گے۔پرینکا نے الزام لگایا تھا کہ ختم ہوتے روزگار، کمزور پڑتی تجارت اور معیشت کی کمر توڑنے والی پالیسیوں پر بی جے پی حکومت کی خاموشی سب سے زیادہ خطرناک ہے۔ اس سے پہلے پرینکا گاندھی نے ایک ٹویٹ کیا تھا جس میں انہوں نے اتر پردیش کے کانپور میں چھیڑچھاڑ کی شکایت درج کرانے گئی 16 سالہ ایک لڑکی کو پولیس اہلکار وں کی طرف سے ہراساں کئے جانے کی ایک ویڈیو پوسٹ کی تھی۔ ویڈیو میں لڑکی سے پوچھ گچھ کرتے دکھائی دے رہے ہیڈ کانسٹیبل کو ہٹا دیا گیا ہے۔