کاروار:29؍مارچ (ایس او نیوز)شمالی کینرا لوک سبھا حلقہ کے کانگریس ۔ جے ڈی ایس کے مشترکہ امیدوار آننداسنوٹیکر نے بنگلورو میں کانگریس کے سنئیر لیڈران مارگریٹ آلوا اور وزیر آر وی دیش پانڈے سے ملاقات کرتے ہوئے آشیرواد لیا۔ اسنوٹیکر علامتی طورپر 30مارچ کو اپنا پرچہ نامزدگی داخل کریں گے ۔اس کے بعد 4اپریل کو پرچہ نامزدگی داخلہ کے وقت وزیر اعلیٰ کمار سوامی ساتھ رہنے کی اطلاعات موصول ہوئی ہیں۔

سداپور کے جے ڈی ایس لیڈر ڈاکٹر ششی بھوشن ہیگڈے کے ساتھ جمعرات کو  بنگلورو میں آنند اسنوٹیکر نے کانگریس کی لیڈر مارگریٹ آلوا کے گھر پہنچ کر ملاقات کی اور ان سے آشیرواد لیا۔ اس وقت مارگریٹ آلوا کے فرزند نویدیت آلوا بھی موجود تھے۔ کچھ دیر ان سے انتخابات کے تیاری کے متعلق بات چیت کرنے کے بعد اسنوٹیکر نے انہیں انتخابی تشہیر میں شامل ہونےکی اپیل کی۔ اس موقع پر مارگریٹ آلوا نےاسنوٹیکر سے کہاکہ تمہارے والد وسنت اسنوٹیکر ایک بہترین سیاست دان تھے۔ تمہیں بھی ان کی طرح آگے بڑھنے کی نصیحت کی اور حلقہ میں پانچ دنوں کے لئے  انتخابی تشہیرمیں شریک رہنےکا وعدہ کیا۔ اورپرچہ نامزدگی کے دن نویدیت آلوا حاضر رہنے کی بات کہی۔

کانگریس لیڈر اور ضلع نگراں کار وزیر آر وی دیش پانڈے سے ملاقات کے لئے آنند اسنوٹیکر جمرات کی صبح سے ہی کوشش میں رہے تو شا م کے وقت ان سے ملاقات ہوئی۔ اس وقت اسنوٹیکر نے حمایت کرنےکی اپیل کرتے ہوئے کہا کہ تمہاری قیادت میں ہی الیکشن لڑنے کی بات  کہی۔ جس پر دیش پانڈے نے اپنا سر ہلانے کی بات کہی جارہی ہے۔