بنگلورو،30؍مئی (ایس او نیوز) ریاستی حکومت نے اس سے پہلے اعلان کیا تھا کہ ہر اتوار کو پوری ریاست میں مکمل لاک ڈاؤن رہے گا۔ لیکن آج وزیر اعلیٰ ایڈی یورپا نے اعلان کیا ہے کہ 31مئی اتوار کے دن مکمل لاک ڈاؤن پر عمل نہیں کیا جائے گا۔

وزیر اعلیٰ نے اپنے بیان میں کہا ہے کہ عوام کی مانگ اور مفاد ات عامہ کے پیش نظر قانون میں چھوٹ دینے کا فیصلہ کیا گیا ہے۔موجودہ قانون کے مطابق لاک ڈاؤن میں چھوٹ دینے کے ساتھ ہر روز شام 7بجے سے دوسری صبح 7بجے تک تمام غیر اہم اور غیر ضروری سرگرمیوں پر پابندی لگی رہے گی اس کے علاوہ اتوار دن صبح سے شام تک بھی پابندی رہے گی۔ مگر اب تازہ حکم کے مطابق شام 7بجے سے دوسری صبح 7بجے تک جو پابندیاں ہیں و ہ برقرار رہیں گی، البتہ اتوار کو دن بھر کی پابندی اب باقی نہیں رہے گی۔