ملک گیر لاک ڈاؤن فی الحال نہیں ویکسی نیشن سے زیادہ ٹسٹنگ کی ضرورت: وزیراعظم مودی
نئی دہلی،9/اپریل (ایس او نیوز؍ایجنسی) وزیراعظم نریندر مودی نے کہا کہ ملک میں کورونا جس ہولناک رفتار سے پھیل رہا ہے ’وہ باعث تشویش ہے لیکن ہر کسی کو سیاست سے اوپر اٹھ کر اس چیلنج سے نمٹنے کیلئے متحد ہو کر تیزی سے قدم اٹھانے ہوں گے کیونکہ تھوڑی سی بھی ڈھیل خطرناک ثابت ہو سکتی ہے۔کورونا کی دوسری لہر کے تیز رفتار سے ملک کے زیادہ تر حصوں کو اپنی زد میں لینے کے پیش نظر وزیراعظم نے جمعرات کی شام ریاستوں اور مرکز کے زیر انتظام علاقوں کے وزرائے اعلیٰ کے ساتھ موجودہ صورتحال اور کورونا ٹیکہ کاری کی مہم کا جائزہ لیا۔
انہوں نے کہا کہ خواہ صورتحال خطرناک ہے لیکن ہمیں ہمت، صبر اور تیزی کے ساتھ اقدام کرنے کی ضرورت ہے ’جس سے کہ صورتحال پر قابو پایا جا سکے۔ وزیراعظم نے کہا کہ کورونا وبا کی پہلی لہرکے دوران ملک کے پاس نہ تو وسائل تھے اور نہ تجربہ اس کے باوجود ہر کسی نے متحد ہو کر اس وقت وبا کو شکست دینے میں کامیابی حاصل کی تھی۔مسٹر مودی نے کہا کہ اب تو ہمارے پاس تجربہ بھی ہے، اور ساتھ ہی کورونا کی ویکسین بھی آ گئی ہے لہٰذا ہم منظم ڈھنگ سے چلیں تو کامیابی یقینا ملے گی۔
دوائی بھی اور کڑائی بھی’کے اپنے پہلے والے‘سلوگن’دہراتے ہوئے انہوں نے ریاستوں سے کہا کہ جہاں ہمیں ٹیکہ کاری کا دائرہ تیزی سے بڑھانا ہے اور وہیں کورونا کے ٹسٹ کو بھی بہت تیزی اور سٹیک عمل کے ساتھ رفتار دینا ہے۔
خاص باتیں
- کورونا کی دوسری لہر قابل تشویش
- ویکسین سے زیادہ ٹسٹنگ ضروری
- 3.70فیصد آر ٹی پی سی آر ٹسٹ ہونے چاہئیں
- 72 گھنٹے میں 30کنٹریکٹ ٹریسنگ سے کم ٹارگیٹ نہیں ہونا چاہئے
- نئی ویکسی نیشن ڈیولپمنٹ کیلئے کوششیں جاری
- 11؍اپریل سے 14؍اپریل تک ٹیکہ اتسو منائیں
- ویکسی نیشن میں ہندوستانی نوجوان آگے بڑھیں
- ویکسین لگوانے کے بعد بھی محتاط رہیں۔