ہندوستان میں مکمل لاک ڈاؤن کی ضرورت نہیں، کورونا کو روکنے کیلئے موجودہ اقدامات کافی، مکمل لاک ڈاؤن سے فائدے کم، نقصانات زیادہ:ڈبلیو ایچ او

Source: S.O. News Service | Published on 19th January 2022, 11:13 AM | ملکی خبریں | عالمی خبریں |

واشنگٹن، 19؍جنوری(ایس او نیوز؍ایجنسی)ہندوستان میں کورونا وائرس کی تیسری لہر کے بڑھتے ہوئے کیسوں کے باوجود فی الحال مکمل لاک ڈاؤن نافذ کرنے کی ضرورت نہیں ہے- یہ بات ورلڈ ہیلتھ آرگنائزیشن(ڈبلیو ایچ او)نے کہی -ہندوستان میں ڈبلیو ایچ او کے نمائندے روڈریکو ایچ آفرین کا کہنا ہے کہ ہندوستان جیسے ملک میں کورونا کے پھیلا ؤکو روکنے کیلئے مکمل لاک ڈاؤن اور سفر پر پابندی لگانے جیسے اقدامات نقصان پہنچا سکتے ہیں - انہوں نے تجویز دی کہ وبا سے لڑنے کیلئے خطرے کے مطابق پابندیاں لگانے کی حکمت عملی بنائی جائے-آفرین نے اس بات پر زور دیا کہ جانوں اور ملازمتوں دونوں کو بچانا ضروری ہے- انہوں نے کہا کہ ہندوستان اور دنیا بھر میں صحت عامہ کی کارروائی کا فیصلہ کرنے کیلئے چار سوالات کے جوابات درکار ہیں - 1-کورونا کتنا متعدی ہے-2-یہ کتنا سنجیدہ ہے -3-ویکسین ماضی کے کورونا انفیکشن کو کتنا تحفظ دے رہے ہیں؟4-عام لوگ خطرے کو کیسے سمجھتے ہیں اور اس سے بچاؤکیلئے اقدامات کیسے کرتے ہیں؟ آفرین نے کہا کہ ڈبلیو ایچ او مکمل سفری پابندی یا لوگوں کی نقل و حرکت روکنے کی تجویز نہیں دیتا- ایسی پابندیاں فائدہ سے زیادہ نقصان پہنچاتی ہیں - ہندوستان جیسے ملک میں جہاں آبادی کی تقسیم میں بہت زیادہ تنوع ہے، وبائی مرض سے لڑنے کیلئے خطرے پر مبنی نقطہ نظر پر عمل کرنا سمجھداری کی بات ہے-موجودہ صورتحال، صحت کے شعبے کی صلاحیتوں اور سماجی و اقتصادی منظر نامے کو مدنظر رکھتے ہوئے حکومت کو اس وبا کو روکنے کیلئے اقدامات کرنے چاہئیں - اگر تمام قوانین پر عمل کیا جائے تو لاک ڈاؤن لگانے کی ضرورت نہیں پڑے گی-آفرین نے کہا کہ موجودہ حالات میں موجودہ آلات اور اقدامات کارگر ثابت ہو رہے ہیں - ویکسی نیشن کی کوریج میں اضافہ، ماسک کا استعمال، ہاتھ کی صفائی اور جسمانی دوری کو برقرار رکھنا، اندر کی جگہوں کو ہوا دینا اور ہجوم سے بچنا انفیکشن کے سلسلے کو توڑنے میں مدد کرتا ہے- اگر ان سب پر عمل کیا جا رہا ہے تو لاک ڈاؤن کی ضرورت نہیں ہے-

ایک نظر اس پر بھی

حجاب کیس: ججوں کو دھمکیاں دینے والے شخص کی درخواست ضمانت مسترد

بنگلورو کی ایک سیشن عدالت نے تمل ناڈو کے ترونیل ویلی سے تعلق رکھنے والے رحمت اللہ کی ضمانت کی درخواست مسترد کر دی ہے، جو حال ہی میں کلاس رومز میں حجاب پہننے پر فیصلہ سنانے والے کرناٹک ہائی کورٹ کے ججوں کی جان کو مبینہ طور پر خطرے میں ڈالنے کے الزام میں عدالتی حراست میں ہے۔ سٹی ...

اب کارڈ کے بغیر بھی اے ٹی ایم سے رقم نکالنا ہوا ممکن

آر بی آئی نے نیا اصول نافذ کر دیا ہے۔ اگر آپ کے پاس بینک کارڈ نہیں ہے اور آپ اے ٹی ایم سے رقم نکالنا چاہتے ہیں، تب بھی نکال سکتے ہیں۔ آر بی آئی نے تمام بینکوں سے کہا ہے کہ وہ کارڈ استعمال کیے بغیر رقم نکالنے کی سہولت فراہم کریں۔ تاہم،ایس بی آئی سمیت کچھ منتخب بینک پہلے ہی یہ سہولت ...

روس-یوکرین جنگ کے سبب عالمی غذائی بحران کا اندیشہ، لاکھوں لوگ نقص تغذیہ کے ہو سکتے ہیں شکار!

بی بی سی کی ایک رپورٹ کے مطابق اقوام متحدہ نے متنبہ کیا ہے کہ یوکرین پر روس کے حملہ سے جلد ہی عالمی غذائی بحران پیدا ہو سکتا ہے جو سالوں تک بنا رہ سکتا ہے۔ جنرل سکریٹری انٹونیو گٹیرس نے کہا کہ بڑھتی قیمتوں کے سبب غریب ممالک میں جنگ نے غذائی بحران کو بڑھا دیا ہے۔

سری لنکا: سمندر کے ساحل پر دو مہینے سے کھڑا ہے پٹرول سے لدا جہاز، حکومت کے پاس خریدنے کے لئے نہیں ہے پیسے !

سری لنکا  نے بدھ کے روز کہا کہ پٹرول سے لدا جہاز تقریباً دو ماہ سے اس کے ساحل پر کھڑا ہے لیکن اس کے پاس ادائیگی کے لیے غیر ملکی کرنسی نہیں ہے۔ سری لنکا نے اپنے شہریوں سے اپیل کی ہے کہ وہ اس ایندھن کے لیے قطار میں کھڑے ہو کر انتظار نہ کریں۔ تاہم سری لنکا کی حکومت نے کہا کہ ملک کے پاس ...

مہندا راج پکشے اور ان کے 15 ساتھی ملک چھوڑ کر نہیں جا سکتے: عدالت

سری لنکا اب تک کے بدترین معاشی بحران سے گزر رہا ہے۔ اس سے نمٹنے میں حکومت کی ناکامی پر ملک گیر مظاہروں کے درمیان صدر گوٹابایا راج پکشے نے کل قوم سے خطاب میں کہا تھا کہ وہ جلد نئی حکومت اور وزیراعظم کا اعلان کریں گے۔

سری لنکا: صدر گوٹابایا کا قوم سے خطاب، راج پکشے خاندان سے کابینہ میں کوئی نہیں ہوگا

  سری لنکا میں پرتشدد مظاہروں کے درمیان کرفیو نافذ کر دیا گیا ہے اور تشدد کے مرتکب افراد کو گولی مارنے کی اجازت دے دی گئی ہے۔ اس دوران سری لنکا کے صدر گوٹابایا راج پکشے نے قوم سے دوسرے مرتبہ خطاب کیا، جس میں انہوں نے کہا ہے کہ ایک ہفتے کے اندر نئی حکومت تشکیل دی جائے گی اور نئے ...

بحران میں مبتلا سری لنکائی باشندوں کی ہندوستان میں دراندازی کا اندیشہ، تمل ناڈو پولیس الرٹ

سیاسی اور معاشی بحران میں مبتلا سری لنکا میں ہر طرف تشدد کا ماحول ہے۔ وہاں کے کئی شہریوں کے ذریعہ ہندوستان میں دراندازی کے اندیشے ظاہر کیے جا رہے ہیں۔ اسے روکنے کے لیے تمل ناڈو کی ساحلی پولیس ہائی الرٹ پر ہے۔