بنگلورومیں نافذایک ہفتہ کے لاک ڈاؤن میں مزیدتوسیع کاکوئی ارادہ نہیں، ڈاکٹروں اورطبی عملہ کی بھرتی کی کارروائی جاری ہے: یڈی یورپا
بنگلورو،18؍جولائی(ایس او نیوز) ریاست میں کورونا وائرس کے خوفناک پھیلاؤپر قدغن لگانے میں ریاست گیرلاک ڈاؤن کارگردثابت نہیں ہوگا،اس اعتراف کے ساتھ وزیراعلیٰ بی ایس یڈی یورپانے نہایت واضح لفظوں میں کہا کہ شہربنگلورمیں نافذایک ہفتہ تک لاک ڈاؤن میں مزیدتوسیع کاکوئی ارادہ نہیں ہے۔کوروناوائرس کے پھیلاؤکے پیش نظرشہر کی کووڈحالت کی جانکاری اوربندسے متعلق شہرکے آٹھوں زونس کے نگران کاروزراء کے ساتھ اجلاس کے بعدایڈی یورپانے کہا کہ شہرمیں دوبارہ لاک ڈاؤن نہیں ہوگا۔
انہوں نے کہایہ شکایت ملی ہے کہ کووڈ۔19متاثرین کواسپتالوں میں اڈمٹ نہیں کیاجارہاہے،اسپتالوں میں اڈمٹ نہ کئے جانے کی وجوہات کا پتہ لگانے اورمتاثرین کوفوری علاج فراہمی یقینی بنانے کے لیے درکاراقدامات کئے گئے ہیں۔ انہوں نے زوردیکرکہا کہ کسی بھی حالت میں ایساموقع آنے نہ دیاجائے کہ کووڈمتاثرہ اسپتال میں اڈمٹ نہ کئے جانے سے دم توڑگیاہو۔انہوں نے نگران کاروزراء سے تاکیدی طورپر کہا کہ جوپرائیویٹ اسپتال حکومت کی جانب سے طلب کردہ بیڈفراہم کرنے میں آناکانی کریں توان کے خلاف سخت کارروائی کی جائے۔وزیراعلیٰ نے کہا کہ پرائیویٹ اسپتالوں میں کتنی تعداد میں کووڈ۔19متاثرین اڈمٹ ہوئے؟ اوراسپتال میں بیڈس کی دستیابی کی گنجائش کتنی باقی ہے؟ان تمام کا جانکاری کے لیے رضاکار(این جی اوز)اورنوڈل افسروں کونامزدکیاجائے گا۔
انہوں نے نگران کاروزراء سے کہاکہ پرائیویٹ اسپتالوں اورانتظامیہ کے ساتھ اجلاس کریں،کووڈاورنان کووڈمریضوں کے لیے علاج کی سہولتیں فراہمی کاجائزہ لیں۔ کووڈکی علامات نہ رکھنے والے مریضوں کواسپتال میں اڈمٹ کئے بغیرکووڈکیرسنٹرس یاہوم کوارنٹائن کرنے پرتوجہ دی جانی چاہئے۔کووڈمیں مبتلااوراس کی سخت علامات سے دوچارمرے ضوں کے علاج ومعالجہ کامعقول بندوبست کیاجاناچاہئے۔کووڈعلامات رکھنے والے 65سال سے زائدعمروالوں کاعلاج ترجیحی طورپر کیاجائے۔بیڈتقسیم کاری میں بھی بزرگوں کوفوقیت دی جائے۔کووڈکی علامات نہ رکھنے والے بزرگوں کوکووڈکیرسنٹرمیں داخل کیاجائے۔
اس موقع پر انہوں نے مزید کہا کہ اسپتال میں فوت شدگان کا راپڈانٹی جن ٹیسٹ فوری پورکرکے میت کولواحقین کا حوالے کیاجائے۔فوت شدگان کا راپڈٹیسٹ پازیٹیوآئے توکووڈ۔19ضابطہ کے تحت ان کی آخری رسومات اداکی جائے۔جومریض گھرمیں فوت ہوجائے ان کا بھی فوری راپڈٹیسٹ کیاجائے اور آخری رسومات کی ادائیگی کا انتظام کیاجائے۔
یڈی یورپانے اس اجلاس میں یہ بھی کہا کہ ڈاکٹروں اورطبی عملہ کی بھرتی کی کارروائی جاری ہے،ہروارڈمیں رضاکاروں کی نشاندہی کی گئی ہے۔مناسب تعدادمیں ایمبولینس فراہم کئے گئے ہیں۔ہروارڈمیں کلیان منٹپ اوررہائشی مکانات کی نشاندہی کی گئی ہے۔ جن مریضوں کے لیے گھروں میں کوارنٹائن کی سہولت نہیں ہے انہیں کلیان منٹپ یاشادی محل میں کورانٹائن کیاجائے گا۔یڈی یورپانے ریاست میں کووڈٹسٹ میں اضافہ کرنے کی ہدایت دی،جن مقامات پرعوامی اژدھام کا خدشہ ہووہاں پولیس کی خدمات حاصل کی جائیں۔کووڈ۔19ٹیسٹ کارزلٹ آنے کے بعدصرف دوگھنٹے کے اندرمریض کے لیے بیڈکی دستیابی کویقینی بنائے جائے۔
