منگلورو: وی ایچ پی کی مخالفت کے بعد مساجد کے اماموں کو دی جارہی مزراعی ڈپارٹمنٹ کی 'تصدیق' گرانٹ روک دی گئی

Source: S.O. News Service | Published on 10th June 2021, 12:56 PM | ساحلی خبریں | ریاستی خبریں |

منگلورو، 10؍جون (ایس او نیوز) حکومت کرناٹکا کے مزراعی ڈپارٹمنٹ کی طرف سے مساجد کے اماموں اور مدارس کے مولویوں کو کووڈ خصوصی وظیفہ کے طور پر جو 'تصدیق' گرانٹ دی جارہی تھی اس کے خلاف وشوا ہندوپریشد نے مزراعی ڈپارٹمنٹ کے وزیر کوٹا سرینواس پجاری کو میمورنڈم دیا  تھا جس کے بعد یہ گرانٹ روک لی گئی ہے۔
    
خیال رہے کہ مندروں اور ہندو مذہبی مقامات  کے معاملات حکومت کرناٹکا کے مزراعی ڈپارٹمنٹ کے تحت آتے ہیں۔ ان مقامات سے ہونے والی آمدنی اسی محکمہ کو جاتی ہے اور وہیں سے ان مندروں اور مذہبی مقامات کی دیکھ ریکھ اور تعمیر و مرمت کے لئے فنڈ جاری کیا جاتا ہے۔ اس محکمہ کی 'تصدیق' گرانٹ کووڈ وظیفہ کے طور پر ہندو مندروں کے پجاریوں کو دی جاتی ہے۔ اس زمرے میں  مسلمانوں کے مذہبی مقامات اور اس کے اماموں کو شامل کرنے پر وی ایچ پی نے شدید مخالفت کی تھی۔ منگلورو میں وزیر موصوف کو  میمورنڈم دیتے ہوئے وی ایچ پی لیڈروں نے کہا تھا کہ   جنوبی کینرا میں 41 مولویوں کو 'تصدیق' وظیفہ دیا جارہا ہے۔ چونکہ یہ ہندو مذہبی مقامات کی آمدنی ہے اس لئے صرف ہندووں کے مذہبی معاملات سے تعلق رکھنے والے امور میں اس کا استعمال ہو اورغیر ہندو مذہبی مقاصد کے لئے یہ فنڈ ہرگز استعمال نہیں ہونا چاہیے۔ 
    
مزراعی وزیر کوٹا سرینواس پجاری نے وی ایچ پی کے اس مطالبہ کو فوری طور پر قبول کرتے ہوئے مسلم اماموں اور مدارس کے مولویوں کی گرانٹ روکنے کا حکم جاری کیا ہے۔
    
حکومت کرناٹکا کے ڈپارٹمنٹ آف انفارمیشن اینڈ پبلک ریلیشنس کی طرف سے جاری بیان میں کہا گیا ہے کہ مزراعی محکمہ کی طرف سے 27 ہزار سے زائد ہندو مذہبی مقامات کو 133 کروڑ روپے 'تصدیق' گرانٹ دی جاتی ہے۔ اسی کے ساتھ 764 غیر ہندو مذہبی مقامات کے لئے اسی فنڈ سے تصدیق گرانٹ جاری کی جارہی تھی۔ ہندو لیڈروں کی طرف سے سخت مخالفت کے بعد مزراعی وزیر نے اسے روکنے کا فیصلہ کیا  ہے ۔ اب غیر ہندووں کے لئے یہ گرانٹ روکنے کے لئے اقدامات کیے جائیں گے۔  اگر غیر ہندو مذہبی مقامات کے لئے فنڈ کی ضرورت ہوگی تو اس سے متعلقہ محکمہ اس بارے میں فیصلہ کرے گا۔     

ایک نظر اس پر بھی

بھٹکل جالی میں انڈر گراونڈ ڈرینیج کا مسئلہ؛ ممکنہ کنووں کو خراب کرنے والے چمبرس کی درستگی کے بعد ہی کام کو بڑھایا جائے گا آگے؛ ایک ہفتہ کے اندر سڑکوں کی مرمت کی یقین دھانی

بھٹکل کے جالی پٹن پنچایت حدود میں  تعمیر کئے جارہے  انڈر گراونڈ ڈرینیج (یو جی  ڈی)  کا مسئلہ بارش کے بعد مزید پیچیدہ ہونے کے بعد  گذشتہ روز  جالی پنچایت آفس میں  واٹر بورڈ انجینر سمیت  بھٹکل انڈر گراونڈ ڈرینیج کے کام کرنے والے کنٹریکٹر کے  ساتھ میٹنگ کا انعقاد کیا گیا تھا جس ...

کورونا کی تیسری لہر کو لے کر ریاستی ماہرین کمیٹی نے ریاستی حکومت کو سونپی سفارشی رپورٹ : وائرس شدت اختیار کرنےپر 3لاکھ بچے متاثر ہونے کا خدشہ

اگلے 6سے 8ہفتوں میں ملک میں کورونا کی تیسری لہر شروع ہونےکے متعلق ماہرین نےمتنبہ کیا تو ریاستی  حکومت نے ڈاکٹر دیوی شٹی کی قیادت میں کمیٹی تشکیل دیتے ہوئے کہا تھا کہ وہ بتائیں کہ  تیسری لہر کو روکنے کے لئے کیا کیا اقدامات کریں۔ ڈاکٹر دیوی شٹی کی قیادت والی ماہرین کی کمیٹی نے ...

منگلورو : کلاک ٹاور کے پاس پولیس کی اچانک چیکنگ ۔ غیر ضروری طور پر سڑکوں پر گاڑیاں دوڑانے والوں کے خلاف کی گئی کارروائی

دو دن پہلے شہر میں لاک ڈاون کے اوقات میں کمی کرنے کے بعد سڑکوں پر موٹر گاڑیوں کا ہجوم لگ گیا تھا۔ اس پر قابو پانے کے لئے پولیس کے افسران نے کلاک ٹاور کے پاس اچانک چیکنگ شروع کردی اور غیر ضروری طور پر سڑکوں پر گاڑیاں دوڑانے والوں کے خلاف معاملات درج کرلیے۔

اترکنڑا میں 77373افراد کو کووڈکا دوسرا ٹیکہ دیا جاچکا ہے: صحت عامہ کی رپورٹ

اترکنڑا میں ابھی تک 77173لوگوں کو کووڈکا ٹیکہ لگایاجاچکاہے۔ منگل کی شام 7بجے تک ملی رپورٹ کے مطابق 1590ڈوز باقی ہیں۔ جس میں کووی شیلڈ 740اورکو ویکسن 850ڈوز ٹیکوں کا ذخیرہ موجود ہے۔ اس بات جانکاری  ڈسٹرکٹ  آر سی ایچ افسر ڈاکٹر رمیش راؤ نے دی۔

جناب ایس ایم سید محی الدین مارکیٹ صاحب مرکزی خلیفہ جماعت المسلمین بھٹکل کے نئے صدر منتخب

مرکزی خلیفہ جماعت المسلمین بھٹکل  کے نائب صدرجناب ایس ایم سید محی الدین مارکیٹ صاحب اب مرکزی خلیفہ جماعت المسلمین بھٹکل کے  صدر منتخب ہوئے ہیں۔ پیر کو جماعت کے دفتر میں منعقدہ انتظامیہ میٹنگ میں  انہیں اس عہدہ کےلئے بالاتفاق رائے منتخب کیا گیا۔ یاد رہے کہ خلیفہ جماعت ...

کاروار میں کووڈ ٹیکہ مہم کا افتتاحی پروگرام : ہر ایک ٹیکہ لگوائیں اور اپنی جان کی حفاظت کریں : روپالی نائک

کورونا پر قابو پانے کے لئے حکومتیں کام کررہی ہیں، ملک بھر میں 21جون سے شروع ہوئے مفت کووڈ ٹیکہ مہم میں ہرایک ٹیکہ لگاتے ہوئے اپنی جان کی حفاظت کا سامان کرنے کی رکن اسمبلی روپالی نائک نے عوام سے اپیل کی۔

میسورو میں ’ڈیلٹا پلس‘ فارم کا پہلا کیس سامنے آیا

میسورو میں کورونا وائرس سے متعلق ’ڈیلٹا پلس‘ شکل کا پہلا کیس سامنےآیا ہے۔ تاہم متاثرہ شخص کو اس مرض کی کوئی علامت نہیں ہے اور جو بھی اس کے ساتھ رابطہ میں آیا ہے وہ انفکیشن میں نہیں ہے۔ ریاستی وزیر صحت ڈاکٹر کے سدھاکر نے یہ جانکاری دی۔ 

سابق وزیر اعظم دیو ےگوڑا پر 2 کروڑ روپے جرمانہ عائد

ریاست کرناٹک کی بنگلورو کی ایک عدالت نے 10 سال قبل ٹیلی ویژن انٹرویو میں نندی انفراسٹرکچر کوریڈور انٹرپرائزز (نائس لمیٹڈ) کے خلاف توہین آمیز بیانات دینے پر سابق وزیر اعظم ایچ ڈی دیوے گوڑا کو کمپنی کو 2 کروڑ روپے ہرجانے کے طور پر ادا کرنے کی ہدایت کی ہے۔

کرناٹک میں مزید 4 اضلاع اَن لاک کی رعایتیں، دوپہر تک دکانیں کھولنے کی اجازت

کووڈ۔19 کا پھیلاؤ کم ہونے کے  سبب  مزید 4 اضلاع میں حکومت نے اَن لاک کی رعایتیں دی ہیں، یہاں کووڈ پازیٹیو معاملات کی شرح 5 فیصد سے کم ہوگئی ہے۔ دکشن کنڑا، ہاسن، داونگیرے اور چامراج نگر میں صبح 6 بجے تا دوپہر 1 بجے تک ضروری اشیا کی خریداری کے لئے دکانیں کھلی رکھنے کی اجازت دی گئی ...

بنگلور کے جے ہلّی اور ڈی جے ہلّی تشدد معاملے میں اے پی سی آر کی کوششوں سے چار لوگوں کو ملی ضمانت

گذشتہ سال اگست میں  بنگلور کے ڈی جے ہلّی اور کے جے ہلّی میں ہوئے تشدد کے واقعات    اور رکن اسمبلی  اکھنڈ شری نواس مورتی کے مکان  کو آگ لگانے کے معاملے  میں گرفتار  رحمان خان اور محمد عدنان سمیت چار لوگوں  کو کرناٹک ہائی کورٹ  نے ضمانت پر رہا کرنے کا حکم دیا ہے۔