بھاری برسات کے وقت منگلوروایئر پورٹ پر طیاروں کو اترنے کی اجازت نہیں دی جائے گی۔ ایئر پورٹ ڈائریکٹر راؤ کا بیان

Source: S.O. News Service | Published on 8th August 2020, 9:11 PM | ساحلی خبریں | ریاستی خبریں |

منگلورو،8/اگست (ایس او نیوز) منگلورو انٹر نیشنل ایئر پورٹ کے دائریکٹر وی وی راؤ نے ایک بیان جاری کرتے ہوئے کہا ہے کہ بھاری برسات اور خراب موسم کی وجہ سے چیزیں صاف دکھائی نہ دینے کی صورت میں ایئر پورٹ پر طیاروں کو لینڈنگ کی اجازت نہیں دی جائے گی۔

مسٹر راؤ کا بیان کل کوزی کوڈ میں پیش آئے ہوئے ایئر انڈیا ایکسپریس کے بوئنگ 737کے حادثے کے پس منظر میں آیا ہے جس میں 2پائلٹس سمیت 18افراد ہلاک ہوگئے تھے۔کوزی کوڈ کے اس حادثے سے اب سے 10سال قبل منگلورو ایئر پورٹ پر پیش آئے اسی طرح کے حادثے کی دردناک یادیں تازہ  ہوگئیں جس میں صرف 8مسافر زندہ بچ گئے تھے اور عملہ اور مسافروں پر مشتمل 158افراد لقمہئ اجل بن گئے تھے۔

انہوں نے کہا:”چونکہ ہمارا اپنا ایئر پورٹ بھی پہاڑی کے اوپر ٹیبل ٹاپ قسم کا ہے اس لئے جون سے ستمبر کے عرصے میں مانسون کے دوران بھاری برسات میں طیارے اترتے وقت رن وے سے پھسل جانے کے بہت زیادہ امکانات ہوتے ہیں۔“

 مسٹر راؤنے بتایا کہ”آج دن کے وقت بنگلورو سے آنے والے ایک انڈیگو طیارے کو موسم کی خرابی کی وجہ سے ایئر پورٹ پر اترنے کی اجازت دینے سے انکار کیا گیا۔ ہمارے پاس انسڑومینٹل لینڈنگ کی سہولت موجود ہے۔ لیکن 2010کے حادثے کے بعد ڈائریکٹر جنرل آف سول ایوی ایشن(ڈی جی سی اے) کی جانب سے طیاروں کی بحفاظت لینڈنگ اور مسافروں کی سلامتی کے لئے جو رہنما اصول بتائے گئے ہیں اس کے مطابق مانسون کے خراب موسم میں بدل جانے کی صورت میں منگلورو ایئر پورٹ پرطیاروں کو لینڈنگ کی اجازت نہ دینے کے فیصلہ کیا گیا ہے۔“

دوسری طرف کوزی کوڈ حادثے کے تعلق سے اخباروں نویسوں کے ساتھ بات چیت کرتے ہوئے مرکزی وزیر برائے شہری ہوابازی ہردیپ سنگھ پوری نے بتایا:”ٹیبل ٹاپ ایئر پورٹ ہر جگہ پائے جاتے ہیں۔ یہ بھی سچ ہے کہ پائلٹس کے لئے ایسے ایئر پورٹس ایک بڑا چیلنج ہوتے ہیں۔حالانکہ دس سال قبل منگلورو میں ہوئے حادثے سے ہم نے بہت کچھ سبق سیکھے ہیں لیکن اس حادثے کو اور کیرالہ میں کل پیش آئے حادثے کو فوری طور پرایک جیسا قرار دینا مناسب نہیں ہوگا۔ ہمیں تحقیقات کا انتظار کرنا ہوگا۔“

ایک نظر اس پر بھی

بھٹکل ’گونڈا قبیلے ‘ کی ذات سرٹفکیٹ جاری کرنے پر تنازعہ۔ اسسٹنٹ کمشنرکے دفتر میں میٹنگ

بھٹکل تعلقہ میں بسنے والے ’گونڈا قبیلے ‘ سے متعلقہ افراد کو ’درج فہرست قبیلہ‘ کی سرٹفکیٹ جاری کرنے میں رکاوٹ  اور  ’گرام وکلیگا‘ طبقے سے تعلق رکھنے والے افرادغیر  مجاز طریقے سے اس قسم کے سرٹفکیٹ حاصل کرنے کا تنازعہ حل کرنے کے لئے اسسٹنٹ کمشنر کے دفتر میں ایک میٹنگ منعقد کی ...

28ستمبر کو کرناٹکا بند کے پس منظر میں ایس ایس ایل سی سپلمنٹری امتحان کیا گیا ملتوی

کرناٹکا ہائی اسکول اکزامنیشن بورڈ کی طرف سے جاری کیے گئے اعلامیہ کے مطابق ایس ایس ایل سی کا جو سپلمنٹری امتحان  28ستمبر کو منعقد ہونے والا تھا اسے کسانوں کے احتجاجی بند کے پیش نظر ملتوی کردیا گیا ہے۔

ساحلی کرناٹکا سمیت 10اضلاع میں جاری ہوا ’ایلو الرٹ‘۔محکمہ موسمیات نے کی بھاری برسات کی پیشین  گوئی

محکمہ موسمیات نے ساحلی کرناٹکا  اور شمالی کرناٹکا کے اندرونی علاقوں میں سنیچر اور اتوار کو بادلوں کی گرج اور بجلیوں  کی کڑک کے ساتھ بھاری برسات ہونے کی پیشین گوئی کی ہے۔ اور شمالی کینرا ،جنوبی کینرا اور اڈپی  کے علاوہ یادگیر، وجیاپورا، رائچور، گدگ، کلبرگی، دھارواڑ تمام دس ...

ہوناور میں شراوتی کونسل کے سکریٹری کے نئے ریڈی میڈ شوروم فیشن پیلیس کا خوبصورت افتتاح

نارتھ کینرا مسلم یونائیٹیڈ فورم کے ہوناور سکریٹری،  گیرسوپا سے ہوناور تک جملہ مسلم جماعتوں پر مشتمل  شراوتی کونسل کے سکریٹری اور  اتحاد کمیٹیسڑلگی  کے صدر سمیت سرگرم سماجی کارکن   جناب مظفر یوسف  کے نئے ریڈی میڈ شوروم فیشن پیلیس کا   ہوناور  مستی کٹے، بازار روڈ  پر ...

28ستمبر کو کرناٹکا بند کے پس منظر میں ایس ایس ایل سی سپلمنٹری امتحان کیا گیا ملتوی

کرناٹکا ہائی اسکول اکزامنیشن بورڈ کی طرف سے جاری کیے گئے اعلامیہ کے مطابق ایس ایس ایل سی کا جو سپلمنٹری امتحان  28ستمبر کو منعقد ہونے والا تھا اسے کسانوں کے احتجاجی بند کے پیش نظر ملتوی کردیا گیا ہے۔

بھٹکل جامعہ اسلامیہ کے صدر مولانا عبد العلیم قاسمی صاحب کی بنگلور میں شال پوشی

آل انڈیا ملی کونسل کرناٹک کے نائب صدر اور الجامعہ الاسلامیہ بھٹکل کے نو منتخب صدر ، حضرت مولانا عبد العلیم قاسمی صاحب کی بنگلور آمد پر ،، ملی کونسل کرناٹک ، بنگلور ،، کی جانب سے شال پوشی کی گئی ۔

ایڈی یورپا حکومت کے خلاف تحریک عدم اعتماد پیش۔ حکومت اکثریت ثابت کرے گی، اشوک کا دعویٰ۔وزیر اعلیٰ کو مستعفی ہوجانا چاہئے:سدارامیا

اپوزیشن کانگریس لیڈر سدارامیا نے وزیر اعلیٰ بی ایس ایڈی یورپا کی قیادت والی بی جے پی حکومت کے خلاف آج ریاستی اسمبلی میں تحریک عدم اعتماد نوٹس پیش کردیا ہے۔

کاروار: ایس سی؍ ایس ٹی کی جعلی سرٹی فیکٹ جاری کرنے کے معاملے میں ضلع شمالی کینرا دوسرے نمبرپر

سرکاری نوکریاں پانے کے لئے غلط طریقے اور بدعنوانی کے ذریعے درج فہرست ذات (شیلڈولڈ کاسٹ) اور درج فہرست قبائل (شیلڈولڈ ٹرائب)کی سرٹفکیٹس جاری کرنے کے معاملے میں ضلع شمالی کینرا ریاست میں دوسرے نمبر پر آگیا ہے۔  کرناٹکا سول رائٹس انفورسمنٹ    کے    ایڈیشنل ڈائریکٹر جنرل آف پولیس ...

بنگلورو: کووڈ مریض کی نعش دینے کےلئے اسپتال نے کیا 5.70 لاکھ روپے کا مطالبہ۔ رشتے داروں نے لاش لینے سے ہی کیاانکار

بنگلورو کے ایک اسپتال میں کووڈ مریض کے فوت ہوجانے کے بعد اسپتال نے گھر والوں کو لاش سونپنے کے لئے 5.70 لاکھ روپے علاج کا بل ادا کرنے کا تقاضہ کیا۔گھر والوں نے  2 لاکھ روپے ادا کرنے کی بات کہی تو اسپتال نے لاش دینے سے انکار کیا۔ اس پر مشتعل ہوکر مرنے والے مریض کے گھر والے لاش کو ...