ایس ایس ایل سی، پی یو سی امتحانات منسوخ نہیں: وزیر تعلیم سریش کمار
بنگلورو، 18/مئی (ایس او نیوز) الجھن پیدا کرنے والے بیانات دینے میں مشہور ریاست کے وزیر برائے پرائمری و ثانوی تعلیم سریش کمار نے دوبارہ یہ بیان دیا ہے کہ ریاست میں امسال ایس ایس ایل سی ، پی یو سی امتحانات منسوخ نہیں کئے گئے ہیں۔ بلکہ امتحانات کو عارضی طور پر ملتوی کیا گیا ہے۔ امسال ایس ایس ایل سی ، پی یو سی امتحانات منسوخ کرنے کا حکومت نے کوئی فیصلہ نہیں لیا ہے۔
اس سلسلہ میں پھیلائی جارہی افواہوں پر توجہ نہ دی جائےاور طلباء کو امتحان کی تیاری پر توجہ دینی ہوگی۔ امتحانات کی تیاری ملتوی کی گئی ہے ۔ امتحان کی تاریخوں کا جلد ہی ایس ایس ایل سی، پی یو بورڈ میں فیصلہ لے کر امتحان کی تاریخوں کا جلد اعلان کیا جائے گا۔ طلباء کو چاہیے کہ وہ گھروں پر رہ کر فی الحال ان امتحانات کیلئےتیاری کریں۔