کاروار،9؍جون (ایس اونیوز) کمس (کاروار میڈیکل سائنس) اسپتال سے آج منگل کو کورونا سے متاثرہ مزید نو لوگ صحت یاب ہوکر ڈسچارج ہوگئے جس کے ساتھ ہی اب کاروار کے خصوصی کوویڈ وارڈ میں  14 لوگ  روبہ صحت ہیں۔

آج جو نو لوگ اسپتال سے ڈسچارج ہوئے ہیں، اُن میں  سرسی کی ایک 38 سالہ خاتون اور 36 سالہ مرد،  ہلیال سے تعلق رکھنے والا چار سال کا  لڑکا، سداپور سے 20 اور 32 سال کے دو مرد اور کمٹہ سے 58، 35، 28 سالہ مرد اور 48 سالہ خاتون شامل ہیں۔ اسپتال سے ڈسچارج ہونے والوں کی جو لسٹ  جاری کی گئی ہے، اُس کے  مطابق  ڈسچارج ہونے والوں میں بعض لوگ 21 مئی کو اسپتال میں داخل ہوئے تھے تو بعض لوگ  یکم جون کو بھی ایڈمٹ ہوئے تھے۔ ان میں سے کسی میں کورونا کی کوئی علامت نہیں پائی گئی جبکہ  ان کی دوسری رپورٹ بھی نیگیٹو ا ٓگئی جس  پر انہیں اسپتال سے ڈسچارج کیا گیا۔ 

ڈسٹرکٹ ہیلتھ آفسر ڈاکٹر شرد نائیک نے سرٹی فیکٹ دے کر تمام  ڈسچارج ہونے والوں کو الوداع کہا ، اس موقع پر اسپتال کا دیگر بھی عملہ موجود بھی تھا۔

اب کمس میں جو لوگ روبہ صحت ہیں، اُن میں  ڈانڈیلی کا ایک،  سداپور کے دو،  یلاپور کے چھ،  کاروار کے تین  اور بھٹکل اور ہلیال سے ایک ایک کورونا سے متاثرہ لوگ ایڈمٹ ہیں اور اسپتال  انتظامیہ کی طرف سے بتایا گیا ہے کہ تمام لوگ بالکل صحت مند ہیں اور ان میں بھی کورونا کی کوئی علامت نہیں پائی گئی ہے۔