فرانس میں چرچ کے قریب چاقو سے حملہ، تین افراد ہلاک

Source: S.O. News Service | Published on 29th October 2020, 11:20 PM | عالمی خبریں |

نیس،29؍اکتوبر(ایس او نیوز؍ایجنسی) فرانس میں حکام کے مطابق ایک چاقو بردار شخص نے نیس شہر میں ایک چرچ کے قریب حملہ کر کے تین افراد کو ہلاک جبکہ متعدد کو زخمی کر دیا ہے۔

برطانوی خبر رساں ادارے روئٹرز کے مطابق پولیس نے فرانسیسی میڈیا میں آنے والی رپورٹ کی تصدیق کی ہے، جبکہ نیس کے میئر نے اس واقعے کو دہشت گردی قرار دیا ہے۔

میئر کرسچین ایستروسی نے اپنے ٹوئٹر پیغام میں کہا ہے کہ یہ چاقو حملہ نیس شہر میں واقع نوٹرے ڈیم چرچ کے قریب ہوا ہے اور پولیس نے حملہ آور کو گرفتار کر لیا ہے۔

ولیس کا کہنا ہے کہ حملے میں تین افراد ہلاک ہوئے ہیں اور کئی زخمی ہوئے ہیں۔ حملہ آور نے چاقو کے وار سے ایک شخص کی گردن کاٹ دی۔

حملے کے بعد مرنے والوں کے لیے فرانس کی پارلیمنٹ میں ایک منٹ کی خاموشی اختیار کی گئی۔

حکام کے مطابق حملے کے وقت چرچ میں عبادت جاری تھی۔ شہر کے میئر کے مطابق مارے جانے والوں میں چرچ کا ایک ملازم بھی شامل ہے۔

خبر رساں ادارے اے پی کے مطابق حملے کے بعد فرانسیسی صدر ایمانوئیل میخواں کی نیس شہر میں آمد متوقع ہے۔

واضح رہے کہ 17اکتوبر کو فرانس کے دارالحکومت پیرس میں ایک حملہ آور نے استاد کا سرقلم کر دیا تھا۔

خبررساں ادارے اے ایف پی کے مطابق فرانسیسی صدر نے اس واقعے کو  دہشتگردی کا عمل قرار دیا تھا۔

حملے کے بعد پولیس نے حملہ آور کو گرفتار کرنے کی کوشش کے دوران گولی مار کر ہلاک کر دیا تھا۔

استاد کا سر قلم کرنے کے واقعے پر ردعمل دیتے ہوئے صدر ایمینوئل میخواں نے کہا تھا کہ ’دنیا بھر میں اسلام بطور مذہب بحران کا شکار ہے۔‘

انہوں نے مزید کہا تھا کہ ’آئندہ دسمبر میں بل پیش کیا جائے گا جس کے تحت 1905 کے قانون کو مضبوط کرتے ہوئے چرچ کو ریاست سے مکمل طور پر علیحدہ کیا جائے گا۔‘

اس کے بعد مسلمان ممالک میں فرانسیسی صدر کے اس بیان پر ردعمل احتجاجی مظاہرے کیے تھے، اور یہ سلسلہ ابھی تک جاری ہے۔

ایک نظر اس پر بھی

آرمینیا میں حکومت مخالف مظاہرے، وزیر خزانہ مستعفی

آرمینیا کے وزیر خزانہ ٹیگران خیچٹریان نے نیگورنو-کاراباخ میں جنگ بندی معاہدے کیخلاف مظاہروں کے باعث اپنی وزارت سے استعفیٰ دے دیا۔الجزیرہ کی رپورٹ کے مطابق آرمینیا کے وزیر کے ترجمان اینا اوہانیان کا کہنا تھا کہ انہوں نے نیگورنو۔کاراباخ میں جنگ بندی معاہدے کیخلاف ہونے والی ...

افغانستان: بامیان میں بم دھماکوں سے متعدد ہلاک

افغانستان کے بامیان میں ہونے والے دو بم دھماکوں میں ایک درجن سے زائد افراد ہلاک اور متعدد زخمی ہوئے ہیں۔ یہ حملے ایسے وقت ہوئے جب عالمی برادری نے جنگ زدہ ملک میں حالات کی بحالی کے لیے اربوں ڈالر کی امداد کا وعدہ کیا ہے۔

شا م میں جبل مانع میں اسرائیل کے تازہ فضائی حملے

شامی ذرائع ابلاغ کے مطابق اسرائیلی جنگی طیاروں نے منگل اور بدھ کی درمیانی شب جنوبی علاقے قنطیرہ میں فضائی حملے کیے ہیں۔شام کی نیوز ایجنسی ’سانا‘ نے اطلاع دی ہے کہ اسرائیلی فوج کی فوج نے شام میں قنیطرا کے جنوب میں جبل المانع پر فضائی حملے کیے۔