منگلورو،7؍ستمبر (ایس او نیوز؍ایجنسی) بی جے پی یووا مورچہ کے رکن پروین کمار نیتارو کے انتقامی قتل کیس کے سلسلے میں این آئی اے دکشن کنڑا ضلع میں مختلف مقامات پر دھاوے کر رہی ہے۔

ریاستی پولیس محکمہ کی مدد سے عہد یدار،پتور اور سولیا علاقوں کے 32 مقامات پر دھاوے کر رہے ہیں۔ اب تحقیقات ان افراد پر مرکوز ہوگئی ہے جنہوں نے 26 جولائی کو پروین کے انتقام قتل میں مدد کی اور اس کے لیے اکسایا تھا۔

ذرائع نے کہا کہ این آئی اے اس نیٹ ورک کی تحقیقات کر رہی ہے جس نے ہند وکارکنوں اور بی جے پی کارکنوں کا قتل اور ان پر حملے کیے۔

چیف منسٹر بسوا راج بومئی بار بار کہہ چکے ہیں کہ وہ اس کیس کی گہرائی میں جائیں گے اور جرم کی جڑوں کی شناخت کر یں گے۔ پروین کا قتل مسعود کے قتل کا انتظام تھا جسے سڑک پر جھگڑے کے دوران موت کے گھاٹ اتارا گیا۔ اگر چیکہ پولیس جرم کے اندرون 24 گھنٹے تمام 8 ملزمین کو گرفتار کرنے میں کامیاب رہی ،شرپسندوں نے پروین کونشانہ بنایا حالانکہ بی جے پی کارکن کے سماج کے تمام طبقات کے ساتھ دوستانہ تعلقات بتاۓ جاتے ہیں۔

تحقیقات میں انکشاف ہوا کہ پروین کاقتل مقامی افراد کے دلوں میں خوف و دہشت پیدا کرنے کے مقصد سے کیا گیا۔ مگر پروین کاقتل ایک اور انتظامی قتل پر منتج ہوا۔ ایک ٹولی نے محمد فاضل منگل پیٹ کو چند دن بعد موت کے گھاٹ اتار دیا۔ پریشان کن واقعات کے بعد حکمراں بی جے پی کے پروین کے خاندان کو 25لاکھ روپے کا معاوضہ کے اعلان اور مسعود اور فاضل کے خاندانوں کی پرواہ نہ کرنے کے اقدام نے تنازعہ پیدا کر دیا۔

این آئی اے دکشن کنڑا ضلع اور ساحلی علاقہ میں میں بڑھتی عدم رواداری کی بھی تحقیقات کر رہی ہے جوفرقہ وارانہ طور پر حساس علاقہ میں تبدیل ہو چکا ہے۔