نیوزی لینڈ آتش فشاں کا دھماکہ: چھ لاشیں برآمد، ہلاکتوں کی تعداد 22 ہوئی

Source: S.O. News Service | Published on 14th December 2019, 10:26 AM | عالمی خبریں |

ویلنگٹن،14/دسمبر (ایس او نیوز/یو این آئی)  نیوزی لینڈ کی فوجی ٹیم نے سیاحوں میں مقبول وہائٹ جزیرے پر حال ہی میں ہوئے آتش فشاں کے دھماکے میں مارے گئے مزید 6 لوگوں کی لاشیں برآمد کی ہیں۔ اس کے ساتھ ہی، اس قدرتی حادثہ میں مارے گئے لوگوں کی تعداد بڑھ کر 22 ہو گئی ہے۔فوجی ٹیم نے حیرت انگیز جرات کا مظاہر کرتے ہوئے تلاش جاری رکھی اور لاپتہ آٹھ افراد میں سے چھ کی لاشیں برآمد کی ہیں۔

آسٹریلیا کے وزیر خارجہ مورس پيانے نے کہا کہ برآمد شدہ سبھی چھ لاشیں ان کے ملک کے سیاحوں کی ہو سکتی ہیں کیونکہ آسٹریلیائی سیاح پیر کو حادثے کے وقت جزیرے پرگھومنے گئے تھے۔ نیوزی لینڈ کے پولیس کمشنر مائی بش نے کہاکہ ’’قدرتی آفت کے دوران جزائر سے لاپتہ آخری شخص کے بارے میں کچھ بھی پتہ لگنے تک ہماری تلاش مہم جاری رہے گی۔

نیوزی لینڈ کے پولیس ڈپٹی کمشنر جان ٹمس نے کہا کہ لاشوں کو ہیلی کاپٹر کے ذریعے بری فوج کےایچ ایم این زید ایس ویلنگٹن جہاز پر لایا گیا ہے اور آکلینڈ بھیجے جانے سے پہلے انہیں سطح زمین پر لایا جائے گا۔ دوسرے پولیس ڈپٹی کمشنر مائیک کلیمنٹ نے بتایا کہ نیوزی لینڈ ڈیفنس فورس نے خود کی حفاظت کے آلات سے لیس ہوکر جمعہ کی صبح تلاشی مہم شروع کی۔ سائنس داں انہیں لمحہ لمحہ کی صورتحال سے واقف کرا رہے تھے۔ انہوں نے کہا کہ مشن شروع کرنے سے پہلے ڈرون کی مدد سے چھ لاشیں دیکھی گئی تھیں۔

اس کے پہلے نیوزی لینڈ کی پولیس فورس نے دوبارہ آتش فشاں دھماکے کا خدشہ کی وجہ سے تلاشی مہم چلانے سے انکار کر دیا تھا لیکن اہل خانہ کا دباؤ بڑھنے کے بعد انہوں نے جان خطرے میں ڈال کر آج مزید چھ لاشیں برآمد کیں۔ اہل خانہ اپنے پیاروں کے آخری دیدار کے لئے لاش لائے جانے کا مطالبہ کر رہے تھے۔

اس کے پہلے آتش فشاں دھماکے میں مرنے والوں کی تعداد 16 تک پہنچ گئی تھی۔ ذرائع کے مطابق مرنے والوں کی تعداد میں مزید اضافہ کا خدشہ ہے۔ زخمی 20 افراد میں سے بیشتر کی حالت نازک ہے۔ اسپتال میں دم توڑنے والے آسٹریلیا کے دو سگے بھائی تھے۔ ایک کی عمر 13 اور دوسرے کی عمر 16 برس تھی۔ پولیس نے بدھ کو ہلاک 14 لوگوں میں سے نو کے نام اور قومیت کے بارے میں اطلاع دی تھی۔

پولیس نے بدھ کو ایک بیان جاری کر کے کہا تھا کہ سات مختلف اسپتالوں میں داخل کئے گئے 55 افراد میں سے 25 کی حالت انتہائی نازک ہے۔ پولیس نے بتایا کہ لاپتہ افراد کے بچنے کی امید کم ہے۔ لاپتہ لوگوں میں آسٹریلیا، امریکہ، برطانیہ، چین اور ملائیشیا کے سیاح شامل ہیں۔ ان کے ساتھ نیوزی لینڈ کا گائیڈ بھی تھا۔ نیوزی لینڈ کی وزیر اعظم جےسنڈا آرڈرن نے اس واقعہ پر ملک کی طرف سے غم کا اظہار کیا ہے۔ پولیس نے بتایا کہ مرنے والوں کی شناخت کے سلسلے میں مکمل رپورٹ فی الحال جاری نہیں کی گئی ہے۔

ایک نظر اس پر بھی

انڈونیشیا میں پل گرنے سے9 افراد دریا میں ڈوب کرہلاک؛ 17 کو بچالیا گیا

انڈونیشی جزیرے سماٹرا میں پیدل چلنے والے افراد کے لیے بنائے گئے پل کے گرنے سے نو افراد دریا میں ڈوب گئے ہیں۔ کسی حد تک کمزور پل دریا میں آنے والے زوردار سیلابی ریلے کو برداشت نہ کر سکا۔ اس سیلاب کی وجہ اتوار انیس جنوری کو ہونے والی زور دار بارش تھی۔

آسٹریلیا میں شدید ژالہ باری اور طوفان باد و باراں 

مختلف آسٹریلوی علاقوں کو آج زوردار طوفانِ باد و باراں کے ساتھ ساتھ شدید ژالہ باری کا سامنا رہا۔ انتہائی تیز ہوا، شدید بارش اور ژالہ باری نے لوگوں کو مالی نقصان پہنچایا ہے۔ کم از کم دو افراد ژالے لگنے سے زخمی ہوئے ہیں اور انہیں ہسپتال پہنچا دیا گیا ہے۔

روسی شہر پرم میں گرم پانی کی پائپ لائن پھٹنے سے پانچ افراد ہلاک

روسی شہر پَرم میں شدید گرم پانی کی پائپ لائن پھٹنے سے کم از کم پانچ افراد کے ہلاک ہونے کی تصدیق کر دی گئی ہے۔ کھولتا گرم پانی ایک ہوٹل کی بیسمنٹ کے کمروں میں داخل ہو گیا اور ان کمروں میں ٹھہرے افراد گرم پانی کی لپیٹ میں آ گئے۔ تین دوسرے افراد گرم پانی سے جھلس گئے ہیں اور انہیں ...

چینی ہیکروں نے اسرائیلی’آئرن ڈوم‘ سسٹم کا ڈیٹاچرایا: رپورٹ

امریکی جریدے ''National Interest'' کے مطابق چینی ہیکروں نے اسرائیل کے دفاعی میزائل سسٹم (آئرن ڈوم) کو ہیک کر کے اس کا ڈیٹا چرا لیا۔جریدے کا کہنا ہے کہ چینی ہیکروں نے آئرن ڈوم سے متعلق ڈیٹا اسرائیلی عسکری ٹکنالوجی کی کمپنیوں کے کمپیوٹروں سے چُرایا۔ یہ ڈیٹا ’ایرو 3‘ میزائلوں، فضائی آلات، ...

سی اے اے اور این آرسی کی ضرورت ہی کیا ہے؟ شہریت ترمیمی قانون اور قومی شہریت رجسٹرہندوستان کا اندرونی معاملہ ضرور لیکن؟ بنگلہ دیش کی وزیراعظم شیخ حسینہ نے کیا سوال؟

وزیراعظم نریندرمودی کے شہریت ترمیمی قانون (سی اے اے) کے خلاف جہاں ایک طرف پورا ملک سراپا احتجاج ہے وہیں ہندوستان کے سب سے قریبی ملکوں میں شامل بنگلہ دیش کی وزیراعظم شیخ حسینہ نے سوال کیا ہے کہ آخرسی اے اے کی ہندوستان کو ضرورت کیوں پڑگئی- انہوں نے یہ بھی کہاکہ سی اے اے اور این ...

فلسطینی مظاہرین پر اسرائیلی فوج کے حملے، 53 شہری زخمی

فلسطین میں قابض صہیونی ریاست کے جرائم کے خلاف مسلسل احتجاج کرنے والے فلسطینیوں پر صہیونی فوج کے حملے جاری ہیں۔ گذشتہ ہفتے اسرائیلی فوج کی انتقامی وحشیانہ کارروائیوں میں 53 فلسطینی زخمی ہوئے۔ زیادہ تر فلسطینی اسرائیلی فوج کی طرف سے براہ راست فائرنگ سے زخمی ہوئے ہیں۔