نیلسن ،29؍دسمبر (ایس او نیوز؍آئی این ایس انڈیا)نیوزی لینڈ نے کولن منرو اور گلین فلپس کے نصف سنچریوں کی بدولت پہلے ٹی20بین الاقوامی کرکٹ میچ میں ویسٹ انڈیز کو 47 رنز سے شکست دی۔موجودہ عالمی چمپئن کو فتح کے لیے 188 رنز کا ہدف ملا۔اس کا پیچھا ویسٹ انڈیز کے اسٹار اوپنر کرس گیل 12رنز بناکر سستے میں پویلین لوٹ گئے جس کے بعد پوری ٹیم 19ویں اوور میں 140 رن پر سمٹ گئی۔لیکن ویسٹ انڈیز کے کپتان کارلوس بریتھویٹ نے کہا کہ ہم نے آخری اوور 25 رنز دئیے جس میں تین نو بال بھی شامل تھی وہ ہمیں مہنگا پڑا۔نیوزی لینڈ نے 19ویں اوور تک سات وکٹ میں 162رنز بنا چکی تھی۔نیوزی لینڈ کے لیے کولن منرو نے 53 رنز اور گلین فلپس نے 56رن کی نصف سنچری بنائی۔ ویسٹ انڈیز نے 16اوور کے بعد 103رن پر آٹھ وکٹ گنوا دیئے تھے۔اس کے بعد جیروم ٹیلر(20) اور ایشلے نرس (ناٹ آؤٹ 20) کی بدولت 12 گیند میں 28رن بنائے لیکن ٹیم چھ گیند پہلے ہی آل آؤٹ ہو گئی۔سیٹھ رانس نے 30 رن دے کر تین وکٹ لئے جبکہ ٹم ساؤتھی نے 36رن دے کر تین وکٹ لیے۔سیریز کا دوسرا میچ پیر کو ماؤنٹ موگانئی میں کھیلا جائے گا۔