نئے سال کا جشن: ممبئی میں شراب پی کر گاڑی چلانے کے 455 کیس درج 

Source: S.O. News Service | By Shahid Mukhtesar | Published on 2nd January 2019, 1:03 AM | ملکی خبریں |

ممبئی،یکم جنوری (ایس او نیوز؍آئی این ایس انڈیا) نئے سال کے پہلے دن کی صبح تک ممبئی پولیس نے شراب پی کر گاڑی چلانے کے کم از کم 455 معاملے درج کئے ہیں۔ایک افسر نے منگل کو یہ معلومات دی۔ٹریفک پولیس کی طرف سے دی گئی رپورٹ کے مطابق، صبح چھ بجے تک کم از کم 455 گاڑی ڈرائیوروں کو نشہ میں گاڑی چلاتے ہوئے پکڑا گیا۔افسر نے بتایا کہ نشہ میں گاڑی چلانے کی وجہ سے ان کاچالان کیا گیا اور ان کے ڈرائیونگ لائسنس ضبط کر لیے گئے۔2019 کی آمد پر شہر میں ہونے والے پروگرام کے لئے اور لاپرواہی سے گاڑی چلانے کے واقعات کو روکنے کے لئے مختلف جگہوں پر بڑی تعداد میں پولیس اہلکاروں کو تعینات کیا گیا تھا۔افسر نے بتایا کہ 31 دسمبر کی درمیانی شب تک پولیس نے 1,533ڈرائیوروں کو پکڑا تھا، جن میں 76 لوگوں کو نشے میں مدہوش پایا گیا۔ انہوں نے بتایا کہ نئے سال کی صبح تک کم از کم 455 ڈرائیوروں کو تفتیش کے دوران شراب کے نشے میں پایا گیا۔انہوں نے بتایا کہ عدالت کے حکم کے مطابق ان کے خلاف آگے کارروائی کی جائے گی۔

ایک نظر اس پر بھی

’شاہین باغ‘ خاتون مظاہرین کا حوصلہ بڑھانے پہنچیں 8 ریاستوں کی خواتین

 قومی شہریت (ترمیمی) قانون، این آر سی اور این پی آر کے خلاف شاہین باغ خاتون مظاہرین سے اظہار یکجہتی کے لئے آٹھ ریاستوں سے آنے والی خواتین نے کہا کہ ہم سی اے اے، این آرسی اور این پی آر کے خلاف آپ کی تحریک کی حمایت کرنے اور آپ کے ساتھ کاندھے سے کاندھا ملا کر چلنے آئی ہوں۔

کانپور پہنچی یشونت سنہا کی ’گاندھی شندیس یاترا‘، سی اے اے کو بتایا مودی حکومت کی ’نوٹنکی‘

 ممبئی سے گاندھی شانتی سندیش یاترا لے کر منگل کو کانپور پہنچے سابق مرکزی وزیر یشونت سنہا نے کہا کہ ایک طرف ملک میں جہاں جمہوریت خطرے میں ہے تووہیں ملک کی گرتی معیشت سے پوری دنیا فکر مند ہے۔