بنگلورو میں ویکسین کے دونوں ٹیکے لینے والوں کو ہی داخلہ کی اجازت ، کووڈ ضوابط کے خلاف ورزی پر سخت کارروائی،مالس،شاپنگ اور کمرشیل کامپلکس کے مالکان کو بی بی ایم پی کا انتباہ

Source: S.O. News Service | Published on 7th December 2021, 12:02 PM | ریاستی خبریں |

بنگلورو ، 7؍دسمبر(ایس او  نیوز)بنگلورو  شہر میں کووڈ کی نئی قسم اومیکرون کے معا ملات کا پتا لگنے کے بعد ریاستی حکومت اور بروہت بنگلورو مہا نگر پالیکے(بی بی ایم پی) نے احتیاطی اقدامات کئے ہیں جس  کے پیش نظر شہر کے تمام کمرشیل کامپلکس،مالس،سنیما گھروں اور عوامی تقریبات میں شرکت کرنے والے افراد کے لئے ضروری ہے کہ انہوں نے  کووڈ کے دونوں ٹیکے لے چکے ہوں،اس کے بغیر مذکورہ مقامات پر داخلہ کی اجازات نہیں رہے گی۔

اس سلسلہ میں بی بی ایم پی نے احکامات جاری کئے ہیں  اور مذکورہ مقامات کے مالکان کو ضوابط پر عمل کرنے کی سخت تاکید کر تے ہو ئے خلاف ورزی پر قانونی کارروائی کا انتباہ دیا ہے۔ریاستی حکومت نے احکامات جاری کر تے ہو ئے واضح طور پر بتا یا ہے کہ دونوں ڈوز لے چکے افراد کو ہی متعلقہ مقا مات پر داخلہ کی اجازت دی جا ئے۔ اس کے علاوہ بیرونی ممالک سے شہر پہنچنے والے مسافروں کی لاز می طور پر جانچ کر تے ہو ئے ان کا کووڈ ٹسٹ کیا جائے۔

بی بی ایم پی نے سرکاری احکامات پر فوری عمل کر تے ہو ئے عوامی بھیڑ بھاڑ والے علاقے،مالس، شاپنگ کامپلکس سمیت کمر شیل کامپلکس میں کام کرنے والے ملاز مین کو لاز می طور پر دونوں ڈوز لینے کی شرط رکھی ہے۔اس کے بغیرداخلہ نہ دینے کی سخت ہدایت دی ہے۔

کل بیٹ رائن پورہ مارکیٹ میں ماسک کا استعمال نہ کر تے ہوئے کووڈ ضوابط کے خلاف ورزی کرنے والے افراد پر بی بی ایم پی مارشلز نے جرمانہ عائد کیا۔ مارشلز کے اس اقدام کے خلاف مقامی افراد نے ناراضگی کااظہار کر تے ہو ئے اس کی مخالفت کی۔چند افرادنے  جرمانہ ادانہ کرنے کی ضد بھی کرنے لگے جس کی وجہ سے مارشلز کے ساتھ لفظی جھڑپ  ہو ئی۔اس طرح کے واقعات شہر میں ہر دن پیش آرہے ہیں۔اس کو مدنظر رکھ کر بی بی ایم پی نے کووڈ ضوابط پر سختی کے ساتھ عمل کرنے کے لئے احکامات جاری کئے ہیں۔

کمرشیل کامپلکس،مالس،بھیڑ بھاڑ والے علاقوں پر بی بی ایم پی مارشلز اور محکمہ  صحت کے افسران چھاپہ مار کر کووڈ ضوابط کے خلاف ورزی کرنے پر مزکورہ تجارتی مراکز کے مالکان کے خلاف سخت قانونی کارروائی کرنے کا بی بی ایم پی نے انتباہ  دیا ہے۔

ایک نظر اس پر بھی

بی جے پی کو ترقی کا مطلب ہی معلوم نہیں ہے: رام لنگاریڈی

بی جے پی حکومت کے سربراہ ملک کی ترقی کے بارے میں سوچنے کی بجائے سرکاری ملکیت والے اداروں کو پرائیوٹائز کرنے اور صنعت کار ادانی اورامبانی کو مزید دولتمند بنانے میں لگے ہوئے ہیں،جس سے ملک کے عوام کو کئی مشکلو ں کا سامناکرناپڑرہاہے۔بی جے پی کو ترقی کا مطلب ہی معلوم نہیں ہے۔یہ بات ...

اس ملک کوبی جے پی نے کیا دیاہے؟: سابق وزیراعلیٰ سدارامیا

کانگریس پارٹی نے اس ملک کو آزادی دلائی اور ہمیں یہاں آزادی سے زندگی گزارنے کا موقع دیاہے،مگر اس ملک کیلئے بی جے پی جیسی بدعنوان اور فرقہ پرست پارٹی نے کیا دیاہے؟یہ سوال سابق وزیراعلیٰ و اپوزیشن لیڈرسدارامیانے کیا۔

جشن آزادی کی مناسبت سے75الیکٹرک بسیں دوڑانے کافیصلہ، بنگلورو شہرکے بس اسٹانڈوں میں 300چارجنگ اسٹیشن قائم کئے جائیں گے: بی ایم ٹی سی

آزادی کے75سال کی منا سبت سے منائے جا رہے امرت مہا اتسو کے موقع پر بنگلور شہر کے مسافروں کیلئے بنگلور میٹرو پالیٹن ٹرانسپورٹ کارپوریشن(بی ایم ٹی سی)نے مزید 75 الیکٹرک بسوں کو سڑکوں پر دوڑانے کا فیصلہ کیا ہے۔

ریاستی حکومت عوام پرورمنصوبے جاری کرنے میں ناکام:کانگریس

)مہا دیو پورہ اسمبلی حلقہ کے منوکولا لو وارڈ کے سابق کانگریس کارپوریٹر ایس،ادے کمار نے الزام لگایا کہ ریاستی حکومت اپنے دوراقتدار کے دوران عوامی مفادات پروگرامس کو جاری کرنے میں نا کام رہی ہے،اور وہ ترقیاتی کاموں پر توجہ دینے کے بجائے 40فیصد کمیشن کے دھندہ کو اپناتے ہو ئے ...