کاروار:25؍فروری(ایس اؤ نیوز)ساحلی پٹی کے عوام کو سہولت دینے والی ’بنگلورو۔ کاروار۔ واسکو ‘ٹرین کا اعلان کئے ہوئے کئی دن  بیتنے کے باوجود  افسران کی طرف سے ابھی تک سرخ بتی جلائے رکھنے پر ٹرین پٹری پر نہیں دوڑ ی ہے۔ افسران کے رویہ پر عدم اطمینان کا اظہار کرتےہوئے مرکزی ریلوے وزیر برائے ریاست سریش انگڑی نے کہاکہ مجوزہ ٹرین بہت جلد پٹری پر دوڑنے کی جانکاری دی۔

وزیر موصوف نے کہاکہ عوام کو سہولت دینے کے لئے بنگلورو سے کاروار ہوتے ہوئے واسکو تک نئی ٹرین شروع کرنے کا اعلان کیاگیا تھا۔ لیکن کونکن ریلوے لائن پر مجوزہ ٹرین کو دوڑنے کے لئے کونکن ریلوے نگم  اجازت نہیں دئیے جانے  کو وزیر انگڑی نے سنجیدگی سےلینےکی با ت کہی اور بتایا کہ اسی مارچ 2کے بعد دہلی میں میٹنگ کرتے ہوئے متعلقہ ٹرین کو ہری جھنڈی دینے کی خوش خبری دی۔

سریش انگڑی نے بتایا کہ ہمارا منشاء و مقصد یہی ہے کہ ملک کے عوام کے لئے جو بھی سہولت مل سکتی ہے وہ سب مہیا کریں۔ افسران کنوئیں کے مینڈک کی طرح کام نہ کریں بلکہ سرکاری افسران ملک کو ، ملک کے عوام کو جوضرورت ہے ، جو سہولت چاہئے اس کے مطابق کام کرنےکی بات کہی۔

نئی مجوزہ ٹرین کو کونکن ریلوے سدراہ : ساحلی پٹی کے ارکان اسمبلی ، ارکان پارلیمان اور ریلوے ہوراٹ سمیتی کی مسلسل کوششوں کے نتیجےمیں بنگلورو۔ کاروار۔ واسکو ٹرین کا اعلان کیا گیا تھا۔ لیکن کونکن ریلوے نگم نے اجازت نہیں دینے کی وجہ سے ابھی تک نئی ٹرین شروع ہونا ممکن نہیں ہوپایا ہے۔

سوچ بچار کے بغیر ٹرین کا اعلان : کونکن ریلوے نگم کے سی ایم ڈی سنجئے گپتا نے نئی ٹرین کے متعلق جاری بحث پر اپنی بات رکھتے ہوئے کہا کہ ہمارے گھر میں کوئی دوسرا آدمی کرسی پر بیٹھتا ہے تو کیا اس کو موقع دینا ممکن ہے؟ ۔ ہمارے ساتھ کوئی سوچ بچار، گفتگو نہ کرتےہوئے ہماری لائن پر ٹرین کے آغاز کا اعلان کیا جاتاہے تو ہم کیا کرسکتے ہیں ؟ ۔ریلوے لائن کی قوت میں اضافہ ہونا ہے۔ چیف کمشنر آف ریلوے سیفٹی کے ٹیبل پر ریلوے لائن کی قوت بڑھانے کی عرضی موجود ہے۔ اس سلسلےمیں کارروائی کرنے کی بات کہی۔