بھٹکل:10؍اگست(ایس اؤ نیوز) چکبلاپور کے شری کے وی انگلش اسکول میں منعقدہ آئی ایس سی ای اسکول کے ریاستی سطح کے کبڈی ٹورنامنٹ میں بھٹکل کی نیوشمس اسکول کی کبڈی ٹیم چمپئین شپ کا خطاب جیت کر قومی سطح کے لئے منتخب ہوئی ہے۔
5اور6اگست کو چکبلاپور کی کے وی انگلش اسکول میں ریاست کے آئی ایس سی ای اسکولوں کے درمیان دوروزہ ریاستی سطح کے کبڈی ٹورنامنٹ کا انعقاد ہواتھا۔ ٹورنامنٹ میں 27سے زائد ٹیمیں شریک ہوئی تھیں۔ شمس اسکول کی ٹیم شروع سےہی بہترین کھیل کا مظاہرہ کرتےہوئےفائنل پہنچی ،فائنل میں بہترین کھیل کا مظاہرہ کرتے ہوئے شمس کی ٹیم نے میزبان ٹیم کو شکست دے کر نہ صرف چیمپئین شپ کا خطاب جیتا بلکہ قومی سطح کے لئے منتخب ہوئی۔
ٹیم کے کھلاڑیوں کی بہترین کارکردگی پر اسکول انتظامیہ کے صدر محمد اسماعیل محتشم ، نائب صدر حافظ انجنئیر نذیر احمد قاضی ، جنرل سکریٹری مولانا ضیاء الرحمن رکن الدین ندوی ، انتظامیہ ممبران مولانا عزیز الرحمن رکن الدین ندوی ، عبدالمنیم رکن الدین ، ادارے کی پرنسپال فہمیدہ ملا نے مبارکبادی پیش کی ہے۔