بھٹکل:8؍ڈسمبر (ایس او نیوز)تربیت ایجوکیشن سوسائٹی کے زیر سرپرستی چلنے والے نیو شمس اسکول طلبا کے درمیان ’’انسانیت کے لئے سائیکل ریس  - 2018‘‘کے مقابلے کا سنیچر کی صبح 9بجے  ادارے کے نائب صدر انجنئیر نذیر احمد قاضی نے افتتاح کرنے کے بعد اسکول کے زیر اہتمام طلبا کے درمیان  انسانیت کے لئے سائیکل ریس مقابلہ کی  ستائش کی۔

ہائی اسکول کے صدر مدرس محمد رضامانوی نے افتتاحی کلمات پیش کرتے ہوئے  کہاکہ بحیثیت انسان ، انسانوں سے پیار ، محبت، احترام والے معاشرے کی تشکیل ہمارا مقصد ہے۔ طلبا میں ابتداء ہی سے بہترین اقدار کی پرورش کی ایک کوشش سائیکل ریس کو قرار دیا۔ اس موقع پر ادارے کے سکریٹری محمد طلحہ سدی باپا، فزیکل ٹیچر مہیش نائک، عبدالسبحان ندوی، عبداللہ خلیفہ، شازیر حسین، منجوناتھ ہیبارسمیت کئی ایک موجود تھے۔ سائیکل ریس مقابلےمیں حیت حاصل کرنےوالوں کی تفصیل کچھ اس طرح ہے۔ سائیکل ریس کا مقابلہ جالی روڈ سے بحرین بیچ تک قریب 2کلومیٹر فاصلہ کا تھا۔

ہائی اسکول : اول،محمد تبیان آر ایس ۔دوم،فارقلیط ردا مانوی۔ سوم،مصعب ائیکری

پرائمری اسکول: اول، سلسبیل کوبٹے۔ دوم، محمد انیس صدیقہ اور سوم ، حسن طلحہ سدی باپا ۔