کمٹہ:21؍فروری(ایس اؤ نیوز)کمٹہ سے قریب چنداور گاؤں  کے توحید محلے میں نوتعمیر شدہ مسجدِ جامعہ سیدنا عثمان بن عفان کا جماعت المسلمین بھٹکل کے قاضی مولانا محمد اقبال ملا ندوی کی دعا سے  افتتاح عمل میں آیا۔

افتتاحی تقریب سے پہلے صبح 9بجے سے ظہر کی نماز تک بچوں کی طرف سے تلاوت، حمد، نعت وغیرہ کے ثقافتی پروگرام ہوئے۔ ظہر کی نماز کے بعد منعقد ہوئی تقریب میں جامعہ اسلامیہ بھٹکل کے مہتمم مولانا مقبول احمد کوبٹے ندوی نے مہمان خصوصی کی حیثیت سے خطاب کرتےہوئے مسجد اور مصلیوں کے فرائض اور ذمہ داریوں پر روشنی ڈالی۔ مولانا محمد یونس برماور ندوی نے بھی مسجد کی اہمیت پر خطاب کیا۔ مولانا محمد اقبال ندوی کی دعاپر تقریب کا اختتام ہوا۔مسجدکی افتتاحی تقریب میں  سیکڑوں لوگ شریک تھے۔