ہوناور تعلقہ کی ہلے مٹھ گرام پنچایت کی نئی عمارت کا افتتاح
ہوناور:28؍فروری(ایس اؤ نیوز)منتخب عوامی نمائندے اور افسران متحدہ کوشش کرتےہیں تو جو چاہے وہ حاصل کرسکتےہیں، جس کی تازہ مثال ہلےمٹھ گرام پنچایت ہونے کا رکن اسمبلی سنیل نائک نے خیال ظاہر کیا۔
وہ یہاں جمعرات کو تعلقہ کے منکی (اے ) ہلے مٹھ گرام پنچایت کی نئی تعمیر شدہ پنچایت عمارت کا افتتاح کرنے کے بعد خطاب کررہے تھے۔ اپنی بات جاری رکھتےہوئے رکن اسمبلی نے ہلے مٹھ گرام پنچایت کو ضلع کی بہترین پنچایت قرار دیا،جس کے لئے انہوں نے گرام پنچایت کے ممبران اور افسران کی ستائش کرتے ہوئے مبارکبادی دی۔ نئی پنچایت کی تشکیل ہوئے صرف پانچ برسوں میں اتنی بڑی خوبصورت پنچایت عمارت کی تعمیر دراصل ممبران اور افسران کی ایمانداری کی علامت کہا۔ بطور رکن اسمبلی میں نے پنچایت کی کوئی امداد نہیں کی ہے، البتہ یہاں ہال کی تعمیر کے لئے اپنی سرکاری امداد میں سے 10لاکھ روپئے مختص کرنے کا اعلان کیا۔
ضلع پنچایت ممبر دیپک نائک نے اپنے خیالات کا اظہار کرتےہوئے کہاکہ پنچایت علاقےمیں سبھی دھرموں کے لوگ آپسی میل جول اور محبت و بھائی چارے سے رہتےہیں۔ افسران کی ایمانداری نے ہمارے خوابوں کو حقیقت میں بدلنے پر خوشی کا اظہار کیا۔ پنچایت کے نائب صدر سریش کھاروی نے افتتاحی کلمات پیش کرتےہوئے سابقہ ارکان اسمبلی وغیرہ کی امداد اور عوام کے تعاون پر شکریہ اداکیا۔
گرام پنچایت کی صدر شاہین خلیل شیخ نے پروگرام کی صدارت کی۔ تعلقہ پنچایت ممبر محمد ارشاد قاضی ، افسرسریش نائک، کرشنا نند، کریم اسدی سمیت پنچایت ممبران و افسران شریک تھے۔ انپا مکری ن استقبال کیا تو راجیش نایک نے نظامت کی۔