منگلورو: یکم نومبر سے کاروار سے مڈگاؤں کےلئے ایکسپرس ٹرین : بنگلورو سے کاروار پہنچنے والے مسافروں کوسہولت
منگلورو:28؍ ستمبر(ایس اؤ نیوز)بنگلورو سے بذریعہ ٹرین کاروارپہنچنے والے مسافروں کو یہاں سے راست مڈگاؤں جانے کےلئے یکم نومبر سے ریلوے سفر کا انتظام کئے جانےکی کونکن ریلوے نے جانکاری دی ہے۔ بنگلورو سے کاروار چلنے والی ٹرین کو گوا تک توسیع کئےجانےوالے عوامی مطالبہ پر کونکن ریلوے نے مسافروں کو متعلقہ سہولت فراہم کررہی ہے۔
بنگلورو سے 1نومبر کی شام 50-06کو نکلنے والی پنچ گنگا ڈیلی ایکسپرس ٹرین دوسرے دن صبح 25-08بجے کاروار پہنچے گی ۔ متعلقہ ٹرین سے کاروار پہنچنے والے مسافروں کو صبح 30-08بجے کاروار سے مڈگاؤں جنکشن (01595)ایکسپرس نکلے گی اور صبح 45-09بجے مڈگاؤں جنکشن پہنچے گی۔ پھرہر دن شام کو 30-04بجے مڈگاؤں جنکشن سے نکل کر مڈگاؤں۔ کاروار ایکسپرس (01596) شام 45-5بجے کاروار پہنچنے کی جانکاری دی گئی ہے۔