بنگلورو، 20؍جنوری(ایس او  نیوز)بنگلورو۔ میسورو10رخی سڑک کا کام مکمل ہوکر آئندہ دسہرہ تک ٹرافک کے لئے کھلنے کے امکانات ہیں اور وزیر اعظم نرریندر مودی کے ہاتھوں اس سڑک کا افتتاح ممکن ہے۔

اطلاع کے مطابق اندازاً8ہزار کروڑ کی لاگت سے تعمیری کام زوروں سے جاری ہے،ایچ سی مہا دیو پا جس وقت ریاستی وزیر برائے تعمیرات عامہ تھے اس وقت تقریباً117کلومیٹر لمبے بنگلورو۔ میسورو 10رخی سڑک کے کام کو مرکزی حکومت کی منظوری حاصل ہو ئی تھی۔ کووڈ کی وجہ سے اس پراجکٹ کا تعمیری کام تاخیر سے ہوا،لیکن ریاستی حکومت کے دباؤ کی وجہ سے تعمیری کام میں تیزی لائی گئی اور آنے والے دسہرہ تقریبات تک قوم کے نام منسوب کیا جا سکتا ہے۔

اس سڑک کے تعلق سے بتا یا جا تا ہے کہ بنگلورو۔ میسورو کے درمیان اکثر شہروں کے اندر داخل ہو ئے بغیر بنگلور وتا میسورو صرف دیڑھ گھنٹہ میں سفر طئے کیاجا سکتا ہے،جبکہ موجودہ دنوں میں یہ سفر تقریباً3گھنٹے کا ہے۔ اس سڑک کے ذریعہ بنگلورو سے میسور وجاتے ہو ئے بڈدی، رام نگرم، چن پٹن کے اندر داخل نہ ہوتے ہو ئے مدور،منڈیا شہروں کے فلائی اوور کے ذریعہ میسورو روانہ ہو سکتے ہیں۔بتا یا جا تا ہے کہ اس پراجکٹ کے لئے ابتدا میں زمین پر قبضہ جات کا مسئلہ در پیش تھا،لیکن اب یہ تمام مسائل حل ہو ئے ہیں اور تعمیری کام آخری مراحل میں ہیں۔