نئی دہلی،08/اکتوبر(ایس او نیوز/آئی این ایس انڈیا) مہاراشٹر اسمبلی انتخابات 2019: اسمبلی انتخابات میں بی جے پی اور شیوسینا ساتھ مل کر الیکشن لڑ رہی ہیں۔حلیف ہونے کے باوجود دونوں پارٹیاں ایک دوسرے پر نشانہ لگانے کا کوئی موقع نہیں چھوڑتیں۔شیوسینا کے سربراہ ادھو ٹھاکرے نے کہا کہ حکومت میں حلیف ہونے پر بھی ان کی پارٹی کے پاس کوئی خاص طاقتیں نہیں رہیں۔لیکن تمام تکرار کے باوجود انہوں نے کبھی حکومت گرانے کی کوشش نہیں کی۔ پارٹی کے سربراہ نے کہا کہ کسی اتحاد میں دونوں پارٹیوں کو احتیاط برتنے کی ضرورت ہوتی ہے۔ادھو ٹھاکرے نے دعوی کیا ہے کہ شیوسینا عوام سے جڑے مسائل اٹھانا جاری رکھے گی۔شیوسینا کے سربراہ نے کہا کہ اگر آنے والے انتخابات میں بی جے پی-شیوسینا اتحاد جیت جاتے ہیں تو دونوں مل کر بہتر انتظامیہ اور گڈ گورننس دیں گے۔فصل انشورنس کے معاملے پر پارٹی کے احتجاج کے بارے میں پوچھے جانے پر انہوں نے کہا کہ وہ عوام سے جڑے مسائل کو اٹھاتے ہیں۔انہوں نے کہا کہ جب حکومت اپنی کامیابیوں کی تشہیر کرتی ہے، تو زمین پر کئے گئے کام نظر آتے ہیں۔ میں حکومت کے سامنے عوام کے مسائل اٹھاتا رہوں گا۔ کیا میں نے دھوکہ دیا یا حکومت کو گرانے کے لیے سازش بنائی۔ہم بغیر کسی طاقت کے گزشتہ پانچ سال سے حکومت میں ہیں۔ہمارے درمیان اختلافات تھے اور ہمیں جہاں کہیں بھی غلط لگا ہم نے اپنی ریلی نکالی۔انہوں نے کہا کہ اتحاد جاری رکھنے کے لئے بی جے پی اور شیوسینا کو احتیاط برتنے کی ضرورت ہے۔ان کی پارٹی نے مہاراشٹر کے مفاد میں بی جے پی کے ساتھ اتحاد کیا ہے۔آگے ہونے والے اسمبلی انتخابات میں شیوسیناکومہاراشٹر کی تمام 288 سیٹوں پر لڑنے کے لیے تیار رہنا ہوگا۔بتا دیں کہ شیوسینا مہاراشٹر میں 124 سیٹوں پرانتخابات لڑ رہی ہے جبکہ بی جے پی نے 150 سیٹوں پر امیدوار اتارے ہیں۔مہاراشٹر میں اسمبلی انتخابات کے لئے 21 اکتوبر کو پولنگ ہونی ہے۔اسمبلی انتخابات کے نتائج کا اعلان 24 اکتوبر کو کیا جائے گا۔