انتخابات سے قبل دَل بدل روکنے کے لیے سخت قانون کی ضرورت: مایاوتی

Source: S.O. News Service | Published on 16th January 2022, 12:10 PM | ملکی خبریں |

لکھنؤ،16؍جنوری (ایس او نیوز؍ایجنسی) ہندوستان میں دَل بدل کے لئے سخت قانون سازی کا مطالبہ کرتے ہوئے بہوجن سماج پارٹی (بی ایس پی) سپریم و اترپردیش کی سابق وزیر اعلی مایاوتی نے بی ایس پی کے ریاستی اقتدار میں واپسی کرنے پر مکمل اعتماد کا اظہار کیا۔ انہوں نے پہلے مرحلے کی 58 سیٹوں کے 53 امیدواروں کے ناموں کا اعلان کیا۔

اپنے 66ویں یوم پیدائش کے موقع پر پارٹی دفتر پر پریس کانفرنس سے خطاب کرتے ہوئے انہوں نے کہا کہ 5 امیدواروں کے ناموں کا اعلان بعد میں کیا جائے گا۔ اس دوران مایاوتی نے اسمبلی الیکشن سے عین قبل تمام بڑی سیاسی پارٹیوں کے لیڈروں کے دلبدل کے تناظر میں سخت دل بدل قانون بنانے کا مطالبہ کیا۔

انہوں نے کہا کہ ’الیکشن سے پہلے پارٹی تبدیل کرنے والے مفاد پرست سیاسی لیڈروں کو روکنے کے لئے سخت دل بدل قانون کی ضرورت ہے‘۔ انہوں نے کہا بی ایس پی اقتدار میں واپسی کے لئے پراعتماد ہے عوام پارٹی کو اس کے سابقہ کاموں کی وجہ سے حمایت دیں گے۔ مخالفین انہیں روکنے کے لئے ہر طرح کے ہتھکنڈے اپنا رہے ہیں لیکن عوام ان کی چالوں کو سمجھ چکے ہیں‘۔ بی ایس پی سپریمو نے اپوزیشن کے ساتھ کچھ ٹی وی چینلوں پر الزام لگایا کہ وہ لوگ اپنے اوپینین پول کے ذریعہ سازشاً یہ بتانے کی کوشش کر رہے ہیں کہ بی ایس پی اقتدار میں واپس نہیں آرہی ہے۔ لیکن عوام بی ایس پی امیدوار کو سپورٹ کریں گے اور پارٹی سال 2007 کی طرح دوبارہ اقتدار حاصل کرے گی‘۔

مایاوتی نے کہا کہ گزشتہ سال کی طرح اس سال بھی میری یوم پیدائش کو کورونا پروٹوکول پر عمل کرتے ہوئے یوم مفاد عامہ کے طور پر منایا جا رہا ہے۔ انہوں نے اپنی 17ویں بلیو بک کا اجراء کیا۔ مایاوتی نے اپنی خود کی تصنیف بلیو بک (میری زندگی اور بی ایس پی تحریک کا سفرنامہ) کتاب کا اجراء کیا۔ کتاب پارٹی کی گزشتہ ایک سال کی سرگرمیوں پر مشتمل ہے۔ کورونا انفکشن کے پیش نظر اور اسمبلی الیکشن کے ضابطہ اخلاق کی وجہ سے مایاوتی کی یوم پیدائش کے موقع پر کوئی بڑا پروگرام کا انعقاد نہیں کیا گیا۔پارٹی کے ذمہ داران اور کارکنان اس مناسبت سے غریبوں کی مدد کریں گے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...