مشہور کمیڈین بھارتی سنگھ کی رہائش پر این سی بی کا چھاپہ

Source: S.O. News Service | Published on 22nd November 2020, 12:06 AM | ملکی خبریں |

ممبئی،21؍نومبر(ایس او نیوز؍ایجنسی) انسداد منشیات ایجنسی نارکوٹکس کنٹرول بیورو (این سی بی) نے مشہور کمیڈین اور اسٹیج اداکارہ بھارتی سنگھ اور ہرش لنباچیا کی ممبئی واقع رہائش پر ہفتہ کی صبح چھاپہ ماری کی ہے۔ این سی بی ذرائع کے مطابق بھارتی سنگھ اور ان کے شوہر ہرش لمباچیا پر ممنوعہ منشیات کے استعمال کا الزام ہے۔ اسٹیج پر کمیڈین کے طور پر سب کو لطف اندوز کرنے والی بھارتی سنگھ کپل شرما کے شو کا حصہ ہیں۔

این سی بی نے یہ چھاپہ ماری ایسے وقت میں کی ہے جب این سی بی میں فلم اور انٹرٹینمنٹ کی صنعت میں منشیات کے مبینہ استعمال کے حولہ سے تفتیش کا دائرہ وسیع ہو رہا ہے۔ یہ تفتیش معروف بالی ووڈ اداکار سوشانت سنگھ راجپوت کی موت کے بعد شروع ہوئی تھی۔ این سی بی نے حال ہی میں ارجن رامپال کی رہائش پر بھی چھاپہ ماری کی تھی اور منشیات کے سلسلہ میں ان سے طویل پوچھ گچھ کی گئی تھی۔

سوشانت سنگھ راجپوت کے مبینہ طور پر خود کشی کرلینے کے بعد اس معاملہ میں این سی بی کی آمد ہوئی تھی اور متعدد بالی ووڈ کے اداکار و اداکارہ تفتیش کی زد میں آ گئے۔ سب سے پہلے ریاچکرورتی اور ان کے بھائی شووک چکرورتی کو این سی بی نے حراست میں لیا تھا۔ ریا اس کے بعد جیل چلی گئی تھیں اور تقریباً ایک مہینے بعد انہیں ضمانت ملی۔ اس کے علاوہ دیپیکا پادوکون، رکول پریت سنگھ اور سارہ علی خان سمیت متعدد مشہور اداکاراؤں کو بھی این سی بی نے سمن بھیجا تھا اور ان سے پوچھ گچھ بھی کی گئی تھی۔

خیال رہے کہ اداکار سوشانت سنگھ رجپوت 14 جون کو باندرا میں واقع اپنے فلیٹ پر مردہ حالت میں پائے گئے تھے۔ ان کے مداحوں میں ان کی موت کی وجہ سے کافی غم و غصہ پایا گیا جس کے بعد اس معاملہ کی جانچ سی بی آئی کے ہاتھ میں سونپ دی گئی۔ دریں اثنا، این سی بی کی طرف سے بھی منشیات کے زاویہ سے اس معاملہ میں تفتیش کا سلسلہ جاری ہے۔

ایک نظر اس پر بھی

لو جہاد: یوگی حکومت کے ذریعہ منظور آرڈیننس کو سی پی آئی-ایم ایل نے آئین پر حملہ ٹھہرایا

 کمیونسٹی پارٹی آف انڈیا (ایم ایل) کی اترپردیش اکائی نے یوگی کابینہ کے ذریعہ مبینہ لوجہاد پر منظور کیے گئے آرڈیننس کو ملک کے آئین پر حملہ قرار دیتے ہوئے کہا کہ یہ ملکی آئین میں حاصل ایک شہری کو انتخاب، مذہب اور شہری آزادی کے حقوق پر کھلا حملہ ہے۔

شاہین باغ کی دادی ’ٹائم میگزین‘ کے بعد ’بی بی سی‘ کی 100 بااثر خواتین کی فہرست میں بھی شامل

ٹائم میگزین کی 2020 میں 100 سب سے بااثر شخصیات کی فہرست میں جگہ بنانے کے بعد اب شاہین باغ کی بلقیس دادی نے ایک اور کامیابی حاصل کرتے ہوئے ’بی بی سی- 100 ویمن آف دی ایئر‘ میں بھی مقام حاصل کیا ہے۔