امریکہ :27؍ مئی (ایس اؤ نیوز)نوائط آف نارتھ امریکہ کی جانب سے بروز اتوار 16مئی کو  ورچوئیل زوم پلاٹ فارم کےذریعے منعقدہ عید ملن پروگرام میں امریکہ  کی 13ریاستوں اورکینڈامیں مقیم  100سے زائد اہل نوائط کے خاندانو ں نے شرکت کر تے ہوئے عید کی خوشیوں سے محظوظ ہوئے۔

امریکہ کے اٹلانٹا اور جارجیاکے منقضول الحسن اور عماد الدین حسن قاضی کی تلاوت قرآن سے عید ملن کا آغاز ہوا۔پروگرام کے ناظم  کینڈا کےمقیم ناہد صدیقی نے استقبالیہ کلمات پیش کئے۔ کیلی فورنیا سے لقمان جوکاکو نے اپنے خطاب میں اجتماعیت اور اس کے فوائد پر روشنی ڈالتے ہوئےآپس  میں متحد رہنے کی طرف توجہ دلائی۔ اوراسی طرح نوائط آف نارتھ امریکہ کے مشن اور وژن پر گفتگو کرتےہوئے انہوں نے انجمن حامئی مسلمین بھٹکل کے سابق صدر مرحوم عبدالرحیم جوکاکو کے وژن اورخیالات کو پیش کیا،  ساتھ ہی قوم کے لئے ان کی خدمات کا تذکرہ کیا۔

عید ملن پروگرام میں بچوں اورنوجوانوں کے لئے مختلف اور  دلچسپ کھیل مقابلوں کا انعقاد کیاگیا تھا۔ جس میں خاص کر ٹالینٹ شو اور کوئز مقابلےاہم تھے۔نوائط کی تاریخ، ثقافت ، روایت ، تہذیب اور اہم شخصیات پر مشتمل نوائط کوئز مقابلے کی نظامت مریم جوکاکونے کی۔ بچوں کے لئے منعقدہ  ٹالینٹ شو م میں بچوں نے تلاوت قرآن ، نشید ، تہذیبی ڈرامے ، کوکنگ اور بیکنگ مقابلے میں شریک ہوئے اور  اپنی صلاحیتوں کا مظاہرہ  پیش  کیا، اسد مصباح نے ٹالینٹ شو کی نگرانی کی۔

 اس موقع پر لقمان جوکاکو نے بتایا کہ اہل نوائط کی اجتماعیت کو متحد رکھنے اور ایک  وژن کو لے کر  رمضان سے قبل نوائط آف نارتھ امریکہ نامی ادارے کاقیام عمل میں لایا گیا ہے۔ رمضان المبارک کے مہینےمیں ہر اتوار کو  رمضان ٹا ک سریز کا بھی اہتمام کیا  گیا تھا جس کے ذریعے کئی ایک افراد نے دینی و ہندوستانی تاریخ پر خصوصی تیاری کے ساتھ اپنے مقالےپیش کئے جس کو شرکاء نے کافی پسند کیا۔ عید ملن کا اختتام بلال رکن الدین کی دعا پر ہوا۔