نوکرشاہی جہاد: ’سدرشن ٹی وی‘ نے قوانین کی خلاف ورزی کی، سپریم کورٹ کے سامنے مرکز کا بیان

Source: S.O. News Service | Published on 19th November 2020, 12:35 PM | ملکی خبریں |

نئی دہلی،19؍نومبر(ایس او نیوز؍ایجنسی) ’سدرشن ٹی وی‘ کے پروگرام ’بنداس بول‘ میں مسلمانوں سے متعلق متنازعہ مواد پیش کیے جانے سے متعلق مرکزی حکومت نے سپریم کورٹ کے سامنے بدھ کے روز اپنا حلف نامہ پیش کیا۔ مرکزی حکومت نے سپریم کورٹ سے واضح لفظوں میں کہا کہ سدرشن ٹی وی چینل نے مبینہ طور پر نوکرشاہی میں مسلمانوں کی دراندازی سے متعلق اپنے پروگرام ’بنداس بول‘ میں قوانین کی خلاف ورزی کی ہے۔ سپریم کورٹ میں داخل حلف نامہ میں مرکزی وزارت برائے اطلاعات و نشریات نے 4 نومبر کو پاس کیے گئے اپنے احکام کو پیش کیا ہے۔

’نوکرشاہی جہاد‘ پر مبنی متنازعہ پروگرام سے متعلق چینل کو جاری کیے گئے ’وجہ بتاؤ نوٹس‘ کے سلسلے میں کارروائی کرتے ہوئے مرکزی حکومت نے یہ احکام جاری کیا تھا۔ حلف نامہ میں کہا گیا ہے کہ ’’آئی ایم سی کے مشوروں پر نوٹس لیتے ہوئے وزارت کا ماننا ہے کہ حالانکہ اظہارِ رائے کی آزادی بنیادی حق ہے، لیکن پروگرام میں جو مواد دکھایا جا رہا تھا، اس سے پتہ چلتا ہے کہ چینل نے مختلف آڈیو ویزوئل مواد سے پروگرام کو دکھانے سے متعلق قوانین کی خلاف ورزی کی ہے۔ وزارت نے اخذ کیا ہے کہ وہ اچھے نہیں ہیں، ہتک آمیز ہیں اور فرقہ واریت کو حوصلہ بخشتے ہیں۔‘‘

بہر حال، سدرشن ٹی وی کے ’بنداس بول‘ پروگرام کی مخالفت میں داخل عرضیوں پر جمعرات کو جسٹس ڈی وائی چندرچوڑ کی صدارت والی بنچ سماعت کرے گی۔

ایک نظر اس پر بھی

لو جہاد: یوگی حکومت کے ذریعہ منظور آرڈیننس کو سی پی آئی-ایم ایل نے آئین پر حملہ ٹھہرایا

 کمیونسٹی پارٹی آف انڈیا (ایم ایل) کی اترپردیش اکائی نے یوگی کابینہ کے ذریعہ مبینہ لوجہاد پر منظور کیے گئے آرڈیننس کو ملک کے آئین پر حملہ قرار دیتے ہوئے کہا کہ یہ ملکی آئین میں حاصل ایک شہری کو انتخاب، مذہب اور شہری آزادی کے حقوق پر کھلا حملہ ہے۔

شاہین باغ کی دادی ’ٹائم میگزین‘ کے بعد ’بی بی سی‘ کی 100 بااثر خواتین کی فہرست میں بھی شامل

ٹائم میگزین کی 2020 میں 100 سب سے بااثر شخصیات کی فہرست میں جگہ بنانے کے بعد اب شاہین باغ کی بلقیس دادی نے ایک اور کامیابی حاصل کرتے ہوئے ’بی بی سی- 100 ویمن آف دی ایئر‘ میں بھی مقام حاصل کیا ہے۔