مودی حکومت سبھی محاذ پر ناکام، توجہ بھٹکانے کے لیے سرکاری ایجنسیوں کا کر رہی غلط استعمال: کانگریس

Source: S.O. News Service | Published on 22nd September 2022, 11:29 AM | ملکی خبریں |

نئی دہلی، 22؍ستمبر (ایس او نیوز؍ایجنسی) کانگریس نے ایک بار پھر مرکزی حکومت پر سرکاری ایجنسیوں کے غلط استعمال کا الزام عائد کیا ہے۔ بدھ کے روز ایک پریس کانفرنس میں کانگریس کے سینئر لیڈر ابھشیک منو سنگھوی نے کہا کہ ’’مرکزی حکومت مہنگائی، معیشت، قومی سیکورٹی اور دیگر سبھی محاذ پر ناکام رہی ہے اور اس سے لوگوں کی توجہ بھٹکانے کے لیے انفورسمنٹ ڈائریکٹوریٹ (ای ڈی) اور دیگر جانچ ایجنسیوں کا غلط استعمال رک رہی ہے۔‘‘

کانگریس ترجمان ابھشیک منو سنگھوی کا کہنا ہے کہ ’’ای ڈی کی لگاتار ہو رہی چھاپہ ماری سے واضح ہے کہ حکومت اپنی صلاحیت سے لوگوں کی توجہ ہٹانا چاہتی ہے۔‘‘ وہ مزید کہتے ہیں ’’جانچ ایجنسیوں کا استعمال اپوزیشن لیڈران پر کیا گیا ہے، جب کہ برسراقتدار طبقہ کے لیڈروں کے خلاف نہ کے برابر کارروائی ہوئی ہے۔‘‘

پریس کانفرنس کے دوران ابھشیک منو سنگھوی نے چین کے معاملے پر بھی اپنی بات میڈیا اہلکاروں کے سامنے رکھی۔ انھوں نے کہا کہ مودی حکومت نے چین کی دراندازی کو لے کر ملک کو تاریکی میں رکھا ہے اور یہ سچائی خود لداخ کے لوگوں نے سامنے لائی ہے۔ کانگریس ترجمان نے کہا کہ ’’چین کی سرحد پر مودی حکومت برابر دراندازی نہ ہونے کی بات کرتی ہے۔ خود وزیر اعظم نریندر مودی اور ان کی کابینہ کے اراکین کے ساتھ پوری حکومت اس طرح کی کسی بھی دراندازی سے انکار کرتی ہے۔ حالانکہ مودی حکومت نے ملک کو کس طرح اندھیرے میں رکھا ہے اس کا انکشاف ایل اے سی کی آخری بستی لداخ کے چسل میں رہنے والے لوگوں نے کیا ہے۔ انھوں نے بتایا ہے کہ ان کے گاؤں کے قریب کے بڑے علاقے کو حکومت نے بفر زون قرار دے دیا ہے۔‘‘

ایک نظر اس پر بھی

کہاں غائب ہو گئے نوٹ بندی کے بعد چھاپے گئے 9.21 لاکھ کروڑ روپے، آر بی آئی کے پاس بھی تفصیل موجود نہیں!

مرکز کی مودی حکومت نے بلیک منی پر قدغن لگانے کے مقصد سے 2016 میں نوٹ بندی ضرور کی، لیکن اس مقصد میں کامیابی قطعاً ملتی ہوئی نظر نہیں آ رہی ہے۔ اپوزیشن پارٹیوں نے نوٹ بندی کے وقت بھی مرکز کے اس فیصلے پر سوالیہ نشان لگایا تھا،

ہندوستان میں 10 سالوں کے دوران شرح پیدائش میں 20 فیصد کی گراوٹ، رپورٹ میں انکشاف

 پچھلے 10 سالوں میں ہندوستان میں عام زرخیزی کی شرح (جی ایف آر) میں 20 فیصد کی کمی درج کی گئی ہے۔ اس کا انکشاف حال ہی میں جاری کردہ سیمپل رجسٹریشن سسٹم (ایس آر ایس) ڈیٹا 2020 میں ہوا ہے۔ جی ایف آر سے مراد 15-49 سال کی عمر کے گروپ میں ایک سال میں فی 1000 خواتین پر پیدا ہونے والے بچوں کی تعداد ...

الیکشن کمیشن نے تین برسوں میں جموں و کشمیر کی 7 سیاسی جماعتوں کو رجسٹر کیا

الیکشن کمیشن آف انڈیا (ای سی آئی) نے گزشتہ تین برسوں کے دوران جموں و کشمیر کی7 سیاسی جماعتوں کو رجسٹر کیا ہے جن میں کچھ غیر معروف جماعتیں بھی شامل ہیں۔ ای سی آئی ریکارڈس کے مطابق کمیشن نے سال 2019 سے تمام ضروری لوازمات کی ادائیگی کے بعد جموں و کشمیر کی 7 سیاسی جماعتوں کو رجسٹر ...

بامبے ہائی کورٹ سے گوشت کے اشتہارات پر پابندی کی درخواست خارج

بامبے ہائی کورٹ نے ٹی وی اور اخبارات میں نان ویجیٹیرین کھانے کے اشتہارات پر پابندی لگانے کی درخواست خارج کر دی ہے، چیف جسٹس دیپانکر دتہ اور جسٹس مادھو جمدار نے پیر کو جین چیریٹیبل ٹرسٹ کی عرضی کو یہ کہتے ہوئے خارج کر دیا کہ عدالت صرف اس صورت میں مداخلت کر سکتی ہے جب شہریوں کے ...

پی ایف آئی پر پھر چھاپے، شاہین باغ میں دبش، جامعہ میں دفعہ 144 نافذ

نیشنل انویسٹی گیشن ایجنسی (این آئی اے) سے ملی لیڈ کی بنیاد پر، 8 ریاستوں کی پولیس نے آج یعنی منگل کو ملک بھر میں پاپولر فرنٹ آف انڈیا (پی ایف آئی) کے کئی مقامات پر چھاپے مارے۔ نیوز پورٹل ’آج تک‘ پر شائع خبر کے مطابق اسے دوسرے راؤنڈ کا چھاپہ بتایا جا رہا ہے۔