مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

Source: S.O. News Service | By Shahid Mukhtesar | Published on 20th April 2019, 11:22 PM | ملکی خبریں |

سپول،20؍اپریل(ایس او نیوز؍یو این آئی) کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

راہل گاندھی نے یہاں کانگریس امیدوار رنجیت رنجن کے حق میں منعقد ایک انتخابی اجلاس کو خطاب کرتے ہوئے کہاکہ ملک کے لوگ چوکیدار کی سچائی جاننے لگے ہیں اور انہیں ڈیوٹی سے ہٹانے کامن بنا لیاہے۔ مودی جی کتنی بھی کوشش کرلیں لیکن ہندوستان کی عوام انہیں اس بار وزیراعظم نہیں بننے دے گی ۔ انہوں نے کہاکہ جب بھی رافیل سودے کی جانچ ہو گی تو ملک کے چوکیدار اور انیل امبانی جیل جائیں گے۔

کانگریس صدر نے وزیراعظم پر طنز کرتے ہوئے کہا کہ یہ چوکیدار ملک کا نہیں بلکہ انیل امبانی کی چوکیداری کرتا ہے ۔ انیل امبانی کو 30 ہزار کروڑ روپے دے دیا ۔ وہیں 15 امیروں کا ساڑھے پانچ لاکھ کروڑ معاف کردیا۔ جی ایس ٹی یعنی گبر سنگھ ٹیکس اور نوٹ بندی جیسے فیصلے لیکر ملک کے ساتھ ناانصافی کی ہے۔ مودی جی نے 2014 کے انتخاب میں پورے ملک کی چوکیداری کرنے کا وعدہ کیا تھا لیکن انہوں نے صرف وجے مالیا ، نیرو مودی ، انیل امبانی جیسے کوبیروں کی چوکیداری کی۔

راہل گاندھی نے کوسی سانحہ کی یاد دلاتے ہوئے کہاکہ جب کوسی میں سیلاب آیاتو مرکز کی اس وقت کی منموہن سنگھ حکومت نے 1100 کروڑ روپے کا پیکج دیا تھا۔ انہوں نے کہاکہ کیااب اس علاقے میں سیلاب نہیں آتاہے ۔ ووٹ مانگنے کے علاوہ کیا چوکیدار کبھی یہاں کے مسائل کی چوکیداری کرنے آتا ہے۔

کانگریس صدر نے کہاکہ اگر مرکز میں ان کی پارٹی کی حکومت بنتی ہے تو نیائے یوجنا (انصاف منصوبہ) شروع کیاجائے گا۔ اس منصوبہ کے تحت پانچ کروڑ کنبہ کو راست انکے کھاتے میں 72 ہزار روپے ہر سال دیئے جائیں گے ۔ اس کے علاوہ خواتین کو لوک سبھا ، اسمبلی اور سرکاری نوکریوں میں35 فیصد ریزرویشن دیئے جائیں گے۔

راہل گاندھی نے روزگار کے معاملے پر مودی حکومت کو پوری طرح ناکام بتایا اور کہاکہ ” ہم ایک سال میں 22 لاکھ نوجوانوں کو روزگار دیں گے جس میں دس لاکھ نوجوانوں کو پنچایت سطح پر ہی روزگار دیاجائے گا۔ ہم نے اپنے وعدے کو پورا کیا ہے ۔ مدھیہ پردیش، چھتیس گڑھ اور راجستھان میں حکومت بنتے ہی چار دنوں کے اندر کسانوں کا قرض معاف کیا ہے“۔ انتخابی اجلاس کو راشٹریہ لوک سمتا پارٹی ( آر ایل ایس پی ) کے صدر اپندر کشواہا اور ہندوسانی عوام مورچہ ( ایچ اے ایم ) کے صدر جیتن رام مانجھی سمیت دیگر لیڈران نے بھی خطاب کیا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...