مودی حکومت بتائے کہ اس نے 5.5 لاکھ کروڑ روپے کس کس سرمایہ دار کے معاف کئے: کانگریس

Source: S.O. News Service | By Shahid Mukhtesar | Published on 14th April 2019, 11:29 AM | ملکی خبریں |

نئی دہلی،14؍اپریل (ایس او نیوز؍ یو این آئی) کانگریس نے مودی حکومت سے اپنے ان قریبی سرمایہ داروں کے ناموں کا انکشاف کرنے کا مطالبہ کیا ہے جن کے 5.5 لاکھ کروڑ روپیے کے قرض گذشتہ پانچ برسوں میں معاف کیے گئے ہیں۔

کانگریس کے ترجمان ابھیشیک منو سنگھوی نے ہفتہ کے روز ایک پریس کانفرنس سے خطاب کے دوران کہا کہ مودی حکومت نے سنہ 2014 سے 2019 کے درمیان کئی سرمایہ داروں کے 5.5 لاکھ کروڑ روپے کے قرض معاف کیے ہیں۔ ان میں سے 1.56 لاکھ کروڑ روپے کے قرض گذشتہ ایک سال میں معاف کیے گئے۔ انہوں نے کہا کہ یہ سرمایہ داروں کے ساتھ سانٹھ گانٹھ کی یہ سب سے گھٹیا مثال ہے۔

ابھیشیک منو سنگھوی نے کہا کہ گذشتہ 10 برسوں میں سرمایہ داروں کے 7 لاکھ کروڑ روپیے کے قرض معاف کیے گئے ہیں جن میں سے 80 فیصدقرض تنہا مودی حکومت نے گذشتہ پانچ برسوں میں معاف کیا ہے۔ حکومت نے اس طرح ہر سال اوسطاً ایک لاکھ کروڑ روپیے سے زیادہ کا قرض معاف کیا۔ انہوں نے الزام عائد کیا کہ کسانوں کے لیے مودی حکومت کے پاس پیسے کی کمی ہے جبکہ سرمایہ داروں کے لیے وہ لوٹ مچا رہی ہے۔

کانگریس نے کہا کہ اس سے مودی حکومت کے متعصب اور جانبدارانہ رویے کا پتہ چلتا ہے کہ کسانوں کے ساتھ ناانصافی کر رہی ہے اور سرمایہ داروں کو فائدہ پہنچا رہی ہے۔ انہوں نے کہا کہ کانگریس حکومت مطالبہ کرتی ہے کہ حکومت ان سرمایہ داروں کے ناموں کا انکشاف کرے جن کے قرض معاف کیے گئے ہیں۔

ایک نظر اس پر بھی

لوک سبھا انتخابات ؛ کیا اُترپردیش میں پہلے مرحلے کی طرح دوسرے مرحلے میں بھی مسلم-دلت اتحاد سے بی جے پی کا قلعہ ڈانواڈول ہوگا ؟

لوک سبھا انتخابت کے پہلے مرحلے کی طرح اب دوسرے مرحلے میں بھی دلت مسلم اتحاد سے  بی جے پی کا قلعہ ڈانواڈول ہوتا نظر آرہا ہے۔ سمجھا جارہا ہے کہ اُترپردیش میں  جمعرات کو ہوئی پولنگ کے بعد رائے دہندگان کا جو رحجان سامنے آیا ہے، اسے دیکھتے ہوئے  بی جے پی کے لئے واپسی کی اُمیدیں دم ...

ممبئی کے کلب میں لگی آگ، 6افراد ہلاک

ممبئی کے گوریگازی مضافات میں ایک کلب میں جمعرات کو آگ لگ گئی۔ایک فائربرانڈ افسر نے معلومات دی کہ صبح 10 بج کر 12 منٹ پر رائل پام اسٹیٹ میں واقع ایمریلڈ کلب میں آگ لگ گئی۔فائر انجن کے اہلکاروں کی ایک ٹیم کو فوری طور روانہ کر دی گئی، لیکن ان کے 10 بج کر 50 منٹ تک وہاں پہنچنے سے پہلے چھ ...