سرینگر، 17 جون(ایس او نیوز/آئی این ایس انڈیا) جموں و کشمیر کے اننت ناگ ضلع میں پیر کو سیکورٹی فورسز اور دہشت گردوں کے درمیان ہوئے تصادم میں دو دہشت گردڈھیرہوگئے۔پولیس نے یہ معلومات دی۔قومی رائفلس (آر آر) اور ریاستی پولیس کے اہلکاروں کے خصوصی مہم گروپ(ای اوجی) نے دہشت گردوں کی موجودگی کی اطلاع کے بعد اچبل علاقے کے بدورا گاؤں کا محاصرہ کیا۔ایک پولیس افسرنے بتایاہے کہ محاصرہ جیسے ہی سخت کیا گیا، دہشت گردوں نے فائرنگ شروع کر دی، جس کے بعد دونوں جانب سے تصادم شروع ہو گیا،تصادم میں دو دہشت گرد مارے گئے ہیں اور ان کے لاشوں کو قبضے میں لے لیا گیا ہے۔ انہوں نے مزید کہاکہ ہلاک دہشت گردوں کی شناخت اور وہ کس تنظیم سے وابستہ ہیں، اس کا پتہ لگایا جا رہا ہے۔ لاشوں کو برآمد کرنے کے بعد دوبارہ فائرنگ شروع ہو گئی۔اس تصادم میں فوج کے ایک میجر اور ایک نوجوان زخمی ہو گئے ہیں،زخمی فوجی 19 قومی رائفلس کے ہیں۔بتا دیں کہ گزشتہ بدھ کو جموں و کشمیر کے اننت ناگ ضلع میں سیکورٹی فورسز اور دہشت گردوں کے درمیان ہوئے تصادم میں مرکزی ریزرو پولیس فورس (سی آر پی ایف) کے 6 جوان شہید ہو گئے اور ایک دہشت گرد مارا گیا۔واقعہ میں تین سیکورٹی اور ایک شہری زخمی ہو گئے تھے۔