بی جے پی صدر نڈّا نے کیا 'نئی ٹیم' کا اعلان، جنرل سکریٹری عہدہ سے رام مادھو کی چھٹی

Source: S.O. News Service | Published on 26th September 2020, 11:05 PM | ملکی خبریں | ان خبروں کو پڑھنا مت بھولئے |

نئی دہلی،26؍ستمبر(ایس او نیوز؍ایجنسی) بی جے پی صدر جگت پرکاش نڈّا نے پارٹی میں زبردست پھیر بدل کرتے ہوئے اپنی ایک نئی ٹیم کا اعلان کر دیا ہے۔ قومی صدر کا عہدہ سنبھالنے کے تقریباً 8 مہینے بعد انھوں نے تنظیمی سطح پر یہ پھیر بدل کی ہے اور کئی بڑے چہروں کی چھٹی کرتے ہوئے نئے لوگوں کو ذمہ داریاں دی گئی ہیں۔ رام مادھو، پی مرلی دھر راؤ، انل جین اور سروج پانڈے کو جنرل سکریٹری کے عہدہ سے ہٹا دیا گیا ہے اور ان کی جگہ نئے چہرے شامل کیے گئے ہیں۔ کرناٹک سے بی جے پی کے جواں سال رکن پارلیمنٹ تیجسوی سوریہ کو یوتھ بی جے پی کی ذمہ داری سونپی گئی ہے۔ گویا کہ پونم مہاجن سے یوتھ کی ذمہ داری چھین لی گئی ہے۔

جہاں تک بی جے پی کے جنرل سکریٹریز کا سوال ہے، تو ان میں بھوپیندر یادو، ارون سنگھ، کیلاش وجے ورگیہ، دشینت کمار گوتم، ڈی پرندیشوری، سی روی، ترون چگ اور دلیپ سیکیا کے نام شامل ہیں۔ ان میں سے 5 چہرے ایسے ہیں جو نئے ہیں اور بقیہ تین پہلے بھی جنرل سکریٹری عہدہ پر فائز تھے۔ بی ایل سنتوش پہلے کی طرح تنظیمی جنرل سکریٹری کی ذمہ داری نبھاتے رہیں گے۔ بی جے پی کی نئی ٹیم میں یو پی کے راجیش اگروال کو خزانچی کے عہدے پر فائز کیا گیا ہے۔

قابل ذکر بات یہ ہے کہ بی جے پی نے اپنے قومی ترجمانوں کی تعداد کو بڑھا کر 23 کر دیا ہے۔ رکن پارلیمنٹ انل بلونی کو پروموٹ کر کے چیف ترجمان بنایا گیا ہے، لیکن وہ ساتھ ہی پہلے کی طرح میڈیا انچارج کی ذمہ داری نبھاتے رہیں گے۔ امت مالویہ پہلے کی طرح قومی آئی ٹی اور سوشل میڈیا سیل چیف کی ذمہ داری نبھاتے رہیں گے۔ اس سے صاف ہے کہ گزشتہ دنوں سبرامنیم سوامی نے امت مالویہ کو ہٹانے کے لیے جو بی جے پی پر دباؤ بنایا تھا، اس کا کوئی اثر بی جے پی پر دیکھنے کو نہیں ملا۔

جے پی نڈّا نے اپنی نئی ٹیم میں او بی سی مورچہ کی ذمہ داری ڈاکٹر کے لکشمن کو سونپی ہے اور راج کمار چاہر کو کسان سیل کی ذمہ داری دی گئی ہے۔ اسی طرح لال سنگھ آریہ کو ایس سی سیل، سمیر اوراؤں کو ایس ٹی سیل اور جمال الدین صدیقی کو اقلیتی سیل کا چیف بنایا گیا ہے۔

وزیر اعظم نریندر مودی نے اپنے ایک ٹوئٹ میں بی جے پی کی اس نئی ٹیم کو مبارکباد پیش کی ہے اور مستقبل کے لیے نیک خواہشات کا اظہار بھی کیا ہے۔ انھوں نے ٹوئٹ کر کہا ہے کہ "مجھے یقین ہے کہ آپ سبھی صدق دل سے اور پوری خود سپردگی کے ساتھ ہندوستان کے لوگوں کی خدمت کرنے کی ہماری پارٹی کی قابل فخر روایت کو بنائے رکھیں گے۔"

ایک نظر اس پر بھی

ملک میں کورونا متاثرین کی تعداد تقریباً 80 لاکھ

ملک میں اتوار کے روز کورونا وائرس ’کووِڈ۔19‘ وبا سے متاثرین کی تعداد تقریباً 80 لاکھ یعنی 79,07,321 ہو گئی ہے لیکن راحت کی بات یہ ہے کہ متاثرین کے مقابلے صحتیاب ہونے والوں کی تعداد میں مسلسل اضافہ ہو رہا ہے۔

زرعی قانون کے خلاف وجے دشمی پر پی ایم مودی، اڈانی اور امبانی کا کسانوں نے جلایا مجسمہ

زرعی قوانین کے خلاف پنجاب میں وجے دشمی کے موقع پر کسانوں کے ذریعہ وزیر اعظم مودی، اڈانی اور امبانی کے مجسموں کو نذر آتش کرنے کے بارے میں ایک رپورٹ شیئر کرتے ہوئے کانگریس کے رہنما راہل گاندھی نے کہا کہ "یہ کل پورے پنجاب میں ہوا۔

بہار کے عوام کو مفت ویکسین، تو کیا ہم بنگلہ دیشی ہیں؟: ادھو ٹھاکرے

 شیو سینا کی 66 سالہ تاریخ میں پہلی بار کسی دوسری جگہ منعقد کی گئی دسہرہ ریلی سے خطاب کے دوران مہاراشٹرا کے وزیراعلیٰ اور شیو سینا کے سربراہ ادھو ٹھاکرے نے وزیر اعظم نریندر مودی پر براہ راست اور سخت تنقید کا نشانہ بناتے ہوئے کہاکہ "بہار کے عوام کو مفت ویکسین کی تقسیم، تو کیا ہم ...

جی ایس ٹی ریٹرن فائل کرنے کی آخری تاریخ میں توسیع

مرکزی بورڈ برائے بالواسطہ ٹیکس اور کسٹم نے مالی سال 19-2018 کے لیے جی ایس ٹی آر 9، جی ایس ٹی آر 9 اے اور جی ایس ٹی آر-9 سی کے تحت جی ایس ٹی ریٹرن داخل کرنے کی آخری تاریخ میں دوماہ کی توسیع کرتے ہوئے 31 دسمبر 2020 کر دی ہے۔