میسورواجتماعی عصمت دری کے مجرم جلد پکڑے جائیں گے: وزیراعلیٰ بسوراج بومائی
نئی دہلی،26؍اگست(آئی این ایس انڈیا) کرناٹک کے وزیراعلیٰ بسوراج ایس بومائی نے جمعرات کوکہاہے کہ حکومت نے میسوروگینگ ریپ کے واقعے کو سنجیدگی سے لیا ہے اور مجرموں کو جلد پکڑ کر قانون کے کٹہرے میں لایا جائے گا۔بومائی ، جو قومی دارالحکومت کے دو روزہ دورے پرہیں ، نے نامہ نگاروں سے کہا ہے کہ یہ ایک افسوس ناک واقعہ ہے۔ میری حکومت نے اسے سنجیدگی سے لیا ہے۔ مجرموں کو جلد پکڑ کر قانون کے دائرے میں لایا جائے گا۔
میسوروکے چمودی ہل کے قریب منگل کو ایک کالج کی طالبہ کو پانچ افراد نے مبینہ طور پر زیادتی کا نشانہ بنایا اور یہ معاملہ بدھ کو سامنے آیا۔ ملزم نے لڑکی کے دوست پر بھی حملہ کیا۔ متاثرہ اور اس کا دوست نجی اسپتال میں زیر علاج ہیں۔