میسورو،31؍اگست (ایس او نیوز؍نامہ نگار) بروز پیر یہاں میسورو کے ضلع پنچایت ہال میں میسور ضلع کے انچارج وزیرا یس ٹی سوم شیکھر نے میسور ضلع انتظامیہ کے افسران کا ایک ایک اہم اجلاس منعقد کیا اور میسور ضلع میں مسلسل بارشوں کی وجہ سے ہوئی تباہ کاریوں کا جائزہ لیا۔ اور میسور ضلع انتظامیہ کے اعلی ٰ افسران کو سخت ہدیات دی کہ وہ بارش کی تباہ کاریوں کے متاثرین کے راحت کاری کی کارروائی کریں۔

یس ٹی سوم شیکھر نے کہا کہ میسور ضلع میں یکم جون تا 27اگست اب تک کل 873.9ملی میٹر بارش ہوئی ہے۔ محکمہ اگریکلچر کے جائنٹ ڈائرکٹر چندر شیکھر کے مطابق ماہ اگست میں 127ایم ایم افزود بارش ہوئی ہے۔ مورخہ یکم اگست تا27اگست میسور ضلع میں کل 211.6ملی میٹر بارش ہوئی ہے۔ معمولی موسم میں ہر سال صرف 84ملی میٹر بارش ہوتی ہے۔ محکمہ باغبانی کے ڈپٹی ڈائرکٹر ردریش نے بتایا کہ محکمہ باغبانی کی 384.03/ایکڑ پر اگی ہوئی فصل تباہ ہوگئی، اس فصل میں مرچی، ٹماٹر اور گوبھی کی اکثریت ہے۔ جو تباہ و برباد ہوگئی ہے۔ مسلسل بارشوں کی وجہ سے دو افراد کی جانیں چلی گئیں۔ مرنے والے ایک فرد کے اہل خاندان کو پانچ لاکھ روپئے کا معاوضہ دیا گیا۔ بارشوں میں 159پرئمری اسکول کی عمارتیں، 15آنگن واڈی سنٹرس اور 13پرائمری ہیلتھ سنٹرس تباہ ہوگئے۔اس کے علاوہ 41.92کلومیٹر ہائی کے راستے، 193.85 کلومیٹر ڈسٹڑکٹ سطح کے راستے، دیہی علاقوں میں 261.75کلومیٹرس راستے، شہری علاقوں میں 30کلومیٹر راستے، 46 برڈجس، 355بجلی کے کھمبے، 12ٹرانس فارمرس، تباہ ہوگئے، میسور ضلع کے ڈپٹی کمشنر ڈاکٹر بگادی گوتم، ایم ایل سی منجے گوڈا، اراکین اسمبلی سارا مہیش اور جی ٹی دیوے گوڈا اس موقع پرموجود تھے۔