مظفر پور میں سیور کی صفائی کرتے ہوئے 4 مزدوروں کی موت
مظفر پور،10ستمبر(ایس او نیوز/آئی این ایس انڈیا) بہار کے مظفر پور ضلع کے ایک گاؤں میں نو تعمیر شدہ سیپٹک ٹینک میں دم گھٹنے سے ایک ہی خاندان کے چار افراد کی موت ہوگئی۔ ضلع مجسٹریٹ کندن کمار نے بتایا کہ واقعہ مینا پور بلاک کی بارہ بھارتی پنچایت کے تحت آنے والے مدھوبن کانتی گاؤں میں منگل کی صبح ہوا جب نو تعمیر شدہ سیپٹک ٹینک کو کھولنے گیا ایک شخص اس کے اندر گر گیا۔ کمار نے بتایا کہ زہریلی گیس کی وجہ سے دم گھٹنے سے اس کی موت ہو گی انہوں نے بتایا کہ اسے بچانے کے لیے ٹینک کے اندر گئے تین دیگر لوگوں کی بھی دم گھٹنے سے جان چلی گئی انہوں نے بتایا کہ مرنے والوں کی شناخت ہوگئی ہے۔ ان سب کی عمر 30 سے 35 سال کے درمیان ہے۔ انہوں نے بتایا کہ لاشوں کو پوسٹ مارٹم کے لئے شری کرشنا میڈیکل کالج اینڈ ہاسپٹل بھیجا گیا ہے میناپور کے علاقائی افسرگیان پرساد شریواستو نے مرنے والوں کے خاندان والوں کو چار لاکھ روپے دینے کا اعلان کیا ہے۔