بہار میں بچوں کی موت کا معاملہ: سپریم کورٹ نے تشویش ظاہر کی، مرکز، بہار اور یو پی حکومت سے سات دنوں میں مانگا جواب 

Source: S.O. News Service | By Shahid Mukhtesar | Published on 24th June 2019, 11:16 PM | ملکی خبریں |

نئی دہلی، 24 جون (ایس او نیوز/آئی این ایس انڈیا) بہار میں چمکی بخار سے بچوں کی موت معاملے پر سپریم کورٹ نے تشویش ظاہر کی ہے۔بچوں کی موت کے معاملے پر دائر درخواست پر سماعت کرتے ہوئے سپریم کورٹ نے مرکزی، بہار اور یوپی حکومت سے سات دنوں میں جواب مانگا ہے۔ کورٹ نے کہا کہ بخار سے جن کی موت ہوئی ہے، وہ سب کے سب بچے ہیں۔سپریم کورٹ نے تشویش ظاہر کرتے ہوئے کہا کہ ہم نے رپورٹ دیکھی ہے لوگ گاؤں چھوڑ رہے ہیں۔سپریم کورٹ نے جن تین چیزوں پر جواب مانگا ہے، ان میں معقول صحت کی خدمات، غذائیت اور صفائی شامل ہے۔ساتھ ہی عدالت نے کہا کہ یہ بنیادی حقوق کا معاملہ ہے۔حکومتوں نے اس سے نمٹنے کے لئے کیا اقدامات کئے ہیں؟ بتا دیں ایکیوٹ انسیفلاٹس سنڈروم سے ہو رہی بچوں کی موت معاملے کو لے کر سپریم کورٹ میں پٹیشن داخل کی گئی تھی۔مفاد عامہ کی عرضی میں ریاست اور مرکزی حکومت کو علاج کے پختہ انتظامات کرنے کی ہدایت دیئے جانے کی مانگ کی گئی تھی۔داخل مفاد عامہ کی عرضی میں کہا گیا ہے کہ بہار حکومت بیماری کو پھیلنے سے روکنے میں ناکام رہی ہے لہٰذا کورٹ اور مرکزی حکومت معاملے میں دخل دے۔ساتھ ہی بہار حکومت اور مرکزی حکومت کو ہدایت دی جائے کہ وہ متاثرین کے علاج کے لئے بہار میں تقریباً500 آئی سی یو اور موبائل آئی سی یو کا بندوبست کرے۔
 

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...