بھٹکل اور ساحلی کرناٹکا سمیت دنیا کےکئی خطوں میں عید قرباں مذہبی جوش وخروش مگر محتاط طور پر منائی گئی

Source: S.O. News Service | By I.G. Bhatkali | Published on 31st July 2020, 11:59 PM | ساحلی خبریں |

بھٹکل 31 جولائی (ایس اونیوز)  کورونا وائرس کے پیش نظراحتیاطی تدابیر پر عمل درآمد کو  یقینی بناتے ہوئے آج ہندوستان کے ساحلی علاقوں بالخصوص بھٹکل، کنداپور، اڈپی، مینگلور سمیت ریاست کیرالہ میں عید الاضحیٰ کا تیوہار مذہبی جوش وخروش کے ساتھ منائی جارہی ہے۔ آج جمعہ کو خلیجی ممالک، متحدہ عرب امارات، سعودی عرب، بحرین، قطر، امریکہ،  ترکی اور یورپ کے کئی ملکوں کے ساتھ ساتھ  افغانستان، مصر، کویت، اردن، ایران، مصر اور ملائیشیا میں بھی  عید الاضحیٰ منائی جا رہی ہے۔

کورونا وبا کو دیکھتے ہوئے مسجد الحرام ، مسجد نبوی ﷺ سمیت مختلف مساجد میں نمازِ عید کے محتاط اجتماعات منعقد کئے گئے۔  حجاج سمیت دیگر لوگوں کی خاصی  تعداد نے دوگانہ ادا کیا۔

کرناٹک میں ویسے تو عیدگاہوں میں نمازکی اجازت نہیں دی گئی ہے، لیکن بھٹکل اور ساحلی کرناٹکا میں آج صبح سے جاری موسلادھار بارش کی وجہ سے بھی عیدگاہوں میں نماز نہیں پڑھی گئی۔ البتہ بیس سے زائد جامع مساجد میں ایک دوسرے سے کافی فاصلہ  رکھتے ہوئے اور ماسک  کے استعمال کے ساتھ  عید کی دوگانہ ادا کی گئی۔

بھٹکل بڑی جامع مسجد میں مولانا عبدالعلیم خطیب ندوی، خلیفہ جامع مسجد میں مولانا خواجہ معین الدین اکرمی مدنی، نوائط کالونی تنظیم ملیہ جمعہ مسجد میں مولانا انصار خطیب مدنی، مخدوم کالونی مخدومیہ جمعہ مسجد میں مولانا نعمت اللہ عسکری ندوی اور مدینہ کالونی مدینہ جمعہ مسجد میں مولانا ابوبکر صدیق خطیب ندوی نے عید کی دوگانہ پڑھائی۔

علماء نے اپنے خطبہ میں اس بات پر زور دیا کہ ہم اللہ کے حضور جانوروں کی قربانی اللہ کو راضی کرنے کے لئے دیتے ہیں، ہم کسی کو تکلیف دینے کے لئے جانور ذبح نہیں کرتے، اسی لئے مسلمانوں سے بار بار تاکید کی جاتی ہے کہ وہ دکھاوے کے لئے قربانی نہیں کریں، اللہ اور اللہ کے رسول کے بتائے ہوئے طریقے پر قربانی کریں۔  اس موقع پر  خطیب حضرات نے حضرت ابراہیم ؑ  اور حضرت اسماعیل ؑ کے واقعے کو بھی پیش کیا کہ کس طرح   آج بھی حضرت ابراہیم ؑ  کی اس یاد کو تازہ کیا جاتا ہے۔

کورونا وباء کی وجہ سے اس بار بھٹکل میں بڑے جانوروں کی شدید کمی نظر آئی، البتہ  کافی جگہوں پر لوگ بکرے خریدتے پائے گئے۔

ایک نظر اس پر بھی

ساحلی کرناٹکا میں 'ٹاوکٹے' طوفان کی دستک ۔ محکمہ موسمیات نے جاری کیا 16 مئی تک ریڈ الرٹ

ساحلی کرناٹکا کی طرف  بڑھتے  'ٹاوکٹے' طوفان کے پیش نظرمحکمہ موسمیات نے 16مئی تک ریڈ الرٹ جاری کرتے ہوئے مچھیروں اور عوام الناس کو دریا، سمندراورنشیبی و ساحلی علاقوں سے دور رہنے کی ہدایت دی ہے۔

بھٹکل میں کورونا لاک ڈاون کے چلتے عید الفطر؛ مولانا خواجہ مدنی اور مولانا عبدالعلیم ندوی کا عوام کےنام عید کا پیغام؛ انکھوں سے نظر نہ آنے والے ایک چھوٹے سے جرثومہ کے آگے دنیا عاجز

بھٹکل سمیت ریاست کرناٹک کے ساحلی علاقوں  میں  کورونا لاک ڈاون کے چلتے کل جمعرات کو عید الفطر منائی جائے گی، جس کی وجہ سے  عید گاہ یا مساجد میں  نماز عید کی  ادائیگی کی اجازت نہیں ہے،  اسی طرح   لوگوں کو گھروں سے باہر نکل کر عید کی خوشیاں منانے سمیت  دوست احباب اور رشتہ داروں  ...

بھٹکل میں بڑھ رہے ہیں کورونا پوزیٹیو معاملات؛ آج ایک ہی دن 81 کی رپورٹ آئی پوزیٹو

بھٹکل سمیت ضلع اُترکنڑا میں  کورونا پوزیٹیو کے معاملات میں دن بدن اضافہ دیکھا جارہا ہے، جس سے ذمہ داران میں تشویش پائی جارہی ہے۔ آج بدھ کو ایک ہی دن بھٹکل میں کورونا پوزیٹیو کے 81 معاملات سامنے آئے ہیں  جس کے ساتھ ہی  کورونا کی دوسری لہر میں بھٹکل میں پوزیٹیو معاملات کی تعداد ...

بھٹکل سمیت اُڈپی، مینگلور اور کیرالہ میں آج 30 روزے مکمل؛ کل جمعرات کو منائی جائے گی عیدالفطر

  بھٹکل اور کمٹہ سمیت پڑوسی ضلع اُڈپی، دکشن کنڑا اور پڑوسی ریاست کیرالہ میں  آج بدھ کو  رمضان کے تیس روزے مکمل ہوگئے جس کے ساتھ ہی کل جمعرات  کو ان علاقوں میں عیدالفطر منائی جائے گی۔ جبکہ ملک کے دوسرے حصوں میں  آج 29 روزے مکمل ہورہے ہیں اوراگر آج شام کو چاند نظر آتا ہے    تو  ...

لوگ کورونا سے مرے جارہے ہیں اور ریاستی حکومت کو لگی ہے ذات پات کے اعداد و شمار کی فکر

پورے ملک کی طرح ریاست میں بھی کورونا کا قہر جاری ہے ۔ عوام آکسیجن، اسپتال میں بستر اور دوائیوں کی کمی سے تڑپ رہے ہیں۔ لیکن ریاستی حکومت کو الیکشن اور ذات پات کی تفصیلات کی فکر لاحق ہوگئی ہے تاکہ آئندہ انتخاب کے لئے تیاریاں مکمل کی جائیں۔