بھٹکل : گاڑی روک کر مسافروں کو لوٹنے کی کوشش کرنے والے دو ملزمین گرفتار
بھٹکل ،24 / جنوری (ایس او نیوز) مرڈیشور پولیس تھانہ حدود کے بیلور کے قریب گوڈی گدّے کراس، نیشنل ہائی وے 66پر موٹر گاڑیوں کو روک کر مسافروں سے موبائل ، نقد رقم اور دوسری قیمتی اشیاء لوٹنے کا منصوبہ بنانے والے دو ملزمین کو پولیس نے گرفتار کر لیا ہے۔
بتایا جاتا ہے کہ آدھی رات کے قریب مرڈیشور پولیس اسٹیشن کو ٹیلی فون کے ذریعہ اطلاع ملی کہ گوڈی گدے کراس پر چند لوگ لوہے کی سلاخ اور دوسری چیزیں لے کر کھڑے ہیں اور ڈکیتی کا منصوبہ بنا رہے ہیں ۔ اس پر فوری کارروائی کرتے ہوئے مردیشور پی ایس آئی دیوراج برادر اور ان کے عملہ نے متعلقہ مقام پر دھاوا بول دیا ۔ اس دوران تین ملزمین موقع پر سے فرار ہونے میں کامیاب ہوگئے جبکہ پونے کے رہنے والے راجیش جادو (23 سال) اور ارجن سوکلی (19سال) نامی دو ملزمین گرفتار ہوگئے ۔ ان کے قبضے سے لوہے کی سلاخ ، مرچی کا پاوڈر اور دیگر چیزیں برآمد کی گئی ہیں۔
مرڈیشور پولیس تھانے میں کیس درج کیا گیا ہے ۔ مزید تحقیقات جاری ہے ۔